“Bu dairələrdən olan şikayətlər ciddi araşdırılacaq”

 "22, 31 və 78 saylı seçki dairələrindən daxil olan şikayətlər Mərkəzi Seçki Komissiyası tərəfindən ciddi araşdırılacaq".

Strateji.az qafqazinfo-ya istinadən xəbər verir ki, bunu Mərkəzi Seçki Komissiyasının (MSK) sədri Məzahir Pənahov bu gün keçirilən mətbuat konfransında deyib.

"Biz qarşıdakı günlərdə həmin şikayətlərin araşdırma nəticələrini MSK-nın iclasında müzakirəyə çıxaracağıq. Mübahisəli məsələlər varsa, MSK bununla bağlı qərar verəcək", - deyə M.Pənahov bildirib.

MSK sədri əlavə edib ki, bu həftə şikayətlərin aşadırılması tam yekunlaşacaq.