BMT baş katibi İsrailin hücumunu pislədi
BMT-nin Baş katibi Antonio Quterreş İsrailin onlarla insanın həlak olması ilə nəticələnən Əl-Məvasi bölgəsinə endirdiyi zərbəni pisləyib.
Strateji.az axar.az-a istinadən xəbər verir ki, bu barədə onun rəsmi nümayəndəsi Stefan Düjarrik bildirib.
"Baş katib Qəzzada insan ölümündən dərin narahatdır. O, İsrailin qaçqın düşərgəsinə hava hücumunu şiddətlə qınayır", - Düjarrik brifinqdə deyib.
Qeyd edək ki, sentyabrın 10-da Əl-Əqsa telekanalı İsrailin Əl-Məvasi bölgəsinə endirdiyi zərbə nəticəsində azı 40 nəfərin öldüyünü, 60 nəfərin yaralandığını bildirib. İsrail məcburi köçkünlərin olduğu çadırları vurub. Öz növbəsində İsrail ordusu zərbənin HƏMAS üzvlərinin komanda mərkəzinə endirildiyini bildirib.