Putin  yeni qırmızı xətt çəkir

 Rusiya Prezidenti Vladimir Putin Qərbin Ukraynaya uzaqmənzilli raketlər verməsi ilə bağlı mövqeyini açıqlayıb. Strateji.az BBC istinadən xəbər verir ki, bu barədə məlumatı "Kommersant" qəzeti yayıb. 

Sankt-Peterburqda çıxış edən Prezident Qərbə açıq şəkildə xəbərdarlıq edib. Putin bununla Qərbin Ukraynaya verəcəyi uzaqmənzilli raketlərlə bağlı özünün qırmızı xəttini çəkmiş olub. Putin açıqlamasında bildirib ki, Ukraynaya Rusiya ərazisini vurmaq üçün uzaqmənzilli raketlərinizdən istifadə etməyə imkan verməyin. Onun sözlərinə görə, Moskva bunu NATO ölkələrinin Ukraynadakı müharibədə birbaşa iştirakı kimi qiymətləndirəcək.Putin qeyd edib ki, bu o demək olacaq ki, NATO ölkələri, ABŞ və Avropa dövlətləri Rusiya ilə vuruşurlar.

Hal-hazırda isə bütün diqqətlər Putinin yeni çəkdiyi qırmızı xəttə Qərbin münasibətinin necə olacağındadır. Hər kəs başda ABŞ olamaqla, NATO və Avropa ölkələrinin  "bu qırmızı xətti keçəcək ya yox?" sualının cavabının necə olacağını gözləyir.

//Nəzərbəy Hacıağayev, Strateji.az