"Araz-Naxçıvan" növbəti qələbəsini qazandı-YENİLƏNİB-2

 Azərbaycan Premyer Liqasının VI turu çərçivəsində keçirilən "Araz-Naxçıvan"-"Kəpəz" oyunu başa çatdı. Gərgin keçən matçda "Araz-Naxçıvan" 1:0 qalib gəldi.

xxxx

Oyunun 76-cı  dəqiqəsində "Araz-Naxçıvan" Bernando Diaşın qolu ilə hesabı açdı-"Araz-Naxçıvan"-"Kəpəz"-1:0

xxxxxx

Bu gün futbol üzrə Azərbaycan Premyer Liqasında milli komandanın UEFA Millətlər Liqasında keçirdiyi oyunlarla əlaqədar yaranan fasilədən sonra VI tura start verilib. PFL açılış gününə bir qarşılaşma təyin edib.

Turun açlış oyununda "Liv Bona Dea Arena" "Araz-Naxçıvan" qədim Gəncə təmsilçisi "Kəpəz"i qəbul edir. Keçən tur "Sumqayıt" səfərində qələbə qazanana Muxtar Respublika təmsilçisi bu oyunda növbəti qələbəsini qazanmaq istəyir. Mövsüm başlayandan xal üzünə həsrət Nizami yurdunun təmsilçiləri isə bu oyunda ən azı bir xal qazanmağı düşünür. Hakim Rəvan Həmzəzadənin idarə etdiyi qarşılaşmada artıq oyunun ilk hissəsi arxada qaldı. İlk hissədən sonra tərəflərdən heç biri fərqlənə bilməyib-"Araz-Naxçıvan"-"Kəpəz"-0:0

Turun digər görüşləri sabah və Bazar günü keçiriləcək.

Sabah günün ilk qarşılaşmasında "Şamaxı" "Şamaxı Şəhəri Stadion"unda gənclik şəhər təmsilçisi "Sumqayıt"ı qəbul edəcək. Keçən tur "Neftçi"dən bir xalla ayrılan "Şamaxı" bu turda qeyri-stabil oyun sərgiləyən "Sumqayıt"ı məğlub etməyi düşünəcək. Keçən tur məğlub olan "kimyaçılar" bu oyunda qələbə qazanmağı düşünürlər.

Günün sonuncu qarşılaşmasında "Qarabağ" "Azərsun Arena"da "Səbail"i qəbul edəcək. "Köhlən atlar matça növbəti üç xalını qazanmaq üçün çıxaq. "Dənizçilər" isə bu matçda ən azından məğlub olmamaq haqqında düşünəcək.

Bazar günü iki qarşılaşma baş tutacaq.

İlk olaraq "Zirə" Zirə İdman Kompleksinin Stadionu"nda "Neftçi"ni qəbul edəcək. "Mavi qartallar meydana növbəti qələbəsini qazanmaq üçün çıxacaq. Mövsüm başlayandan qələbə üzünə həsrət "Neftçi" də maçta üç xal üçün çıxacaq. 

Günün və turun sonuncu "Sabah" "Bank Respublika Arena"da "Turan Tovuz"u qəbul edəcək. "Bayquşlar"ın əsas hədəfi matçdan üç xalla ayrılaraq tovuzlularla xalları bərabərləşdirməkdir. Turnir cədvəlinin lideri "Turan Tovuz" isə bu matçda qalib gələrək liderliyini bir qədər də möhkəmlətmək istəyir.