"Şamaxı" növbəti qələbəsini qazandı-YENİLƏNİB-2

Azərbaycan Premyer Liqasının VI turu çərçivəsində keçirilən "Şamaxı"-"Sumqayıt" oyunu başa çatdı. Gərgin keçən oyun 1:0 "Şamaxı"nın xeyrinə başa çatıb.

xxxx

"Şamaxı"-"Sumqayıt" oyununda tərəflər fasiləyə yollandı. İlk hissədən sonra "Şamaxı" 1:0 hesabda irəlidədir.

xxx

Dünən futbol üzrə Azərbaycan Premyer Liqasında milli komandanın UEFA Millətlər Liqasında keçirdiyi oyunlarla əlaqədar yaranan fasilədən sonra VI tura start verilib. PFL açılış gününə iki qarşılaşma təyin edib.

İlk qarşılaşmasında "Şamaxı" "Şamaxı Şəhəri Stadion"unda gənclik şəhər təmsilçisi "Sumqayıt"ı qəbul edir. Keçən tur "Neftçi"dən bir xalla ayrılan "Şamaxı" bu turda qeyri-stabil oyun sərgiləyən "Sumqayıt"ı məğlub etməyi düşünür. Keçən tur məğlub olan "kimyaçılar" bu oyunda qələbə qazanmağı düşünürlər. Hakim Rəşad Əhmədovun idarə etdiyi qarşılaşmada artıq oyunun 2-ci dəqiqəsində "Şamaxı" Giorgi Kantarianın qolu ilə hesabı açdı-"Şamaxı"-"Sumqayıt"-1:0

Günün sonuncu qarşılaşmasında "Qarabağ" "Azərsun Arena"da "Səbail"i qəbul edəcək. "Köhlən atlar matça növbəti üç xalını qazanmaq üçün çıxaq. "Dənizçilər" isə bu matçda ən azından məğlub olmamaq haqqında düşünəcək.

Turun digər görüşləri Bazar günü keçiriləcək.

Bazar günü ilk olaraq "Zirə" Zirə İdman Kompleksinin Stadionu"nda "Neftçi"ni qəbul edəcək. "Mavi qartallar meydana növbəti qələbəsini qazanmaq üçün çıxacaq. Mövsüm başlayandan qələbə üzünə həsrət "Neftçi" də maçta üç xal üçün çıxacaq. 

Günün və turun sonuncu "Sabah" "Bank Respublika Arena"da "Turan Tovuz"u qəbul edəcək. "Bayquşlar"ın əsas hədəfi matçdan üç xalla ayrılaraq tovuzlularla xalları bərabərləşdirməkdir. Turnir cədvəlinin lideri "Turan Tovuz" isə bu matçda qalib gələrək liderliyini bir qədər də möhkəmlətmək istəyir.

Qeyd edək ki, futbol üzrə Azərbaycan Premyer Liqasının VI turuna dünən start verilib. Açılış günündə bir qarşılaşma baş tutub. 

Turun açlış oyununda "Liv Bona Dea Arena" "Araz-Naxçıvan" qədim Gəncə təmsilçisi "Kəpəz"i qəbul edib. Görüşün ilk hissəsi başladığı hesabla bitib-"Araz-Naxçıvan"-"Kəpəz"-0:0.Oyunun 76-cı  dəqiqəsində "Araz-Naxçıvan" Bernando Diazın qolu ilə hesabı açıb-"Araz-Naxçıvan"-"Kəpəz"-1:0. Bu oyunda vurulan son qol olub və "Araz-Naxçıvan" matçdan 1:0 qalib ayrılıb.