Ülvi Hüseynov Malayziyanın Ravanq şəhərində keçirilən açıq turnirdə uğurla çıxışla yadda qalıb
Yeniyetmə badmintonçumuz Ülvi Hüseynov Malayziyanın Ravanq şəhərində keçirilən açıq turnirdə uğurla çıxışla yadda qalıb.
Dünya üzrə badmintonda öncüllərdən sayılan Malayziyada güclü rəqiblərlə qarşılaşan Ülvi 18 yaşadək kişi badmintonçuların şəxsi yarışında bürünc medal qazanıb.
Mübarizəyə 1/32 finaldan başlayan badmintonçumuz yalnız finala gedən yolda turnirin qalibi yerli idmançı Lai Man Tata gərgin keçən görüşdə 0:2 (22-24,16-21) hesabı ilə uduzub.
Qeyd edək ki, Ülvi Hüseynov 2023-cü ildən başlayaraq Azərbaycan Badminton Federasiyası və Malayziya Badminton Federasiyası arasında imzalanan əməkdaşlıq memorandomuna əsasən Malayziya Badminton Akademiyasında təhsil almaqla yanaşı mütəmadi olaraq Malayziyanın müxtəlif yaş qrupları üzrə milli komandalarının üzvləri ilə birgə təlim-məşq toplanışınlarında iştirak edərək peşəkarlıq səviyyəsini artırır.
