I Liqada II turun oyunları keçirilib
Bu gün I Liqada II tura start verilib. PFL bu günə iki qarşılaşma təyin edib.
Gününü və turun açılış oyununda "Cəbrayıl" "ASCO Arena"da "Zaqatala"nı qəbul edib. Hakim Əli Əliyevin idarə etdiyi qarşılşmanın ilk hissəsində qapılara top vurulmayıb-"Cəbrayıl"-"Zaqatala"-0:0. Oyunun ikinci hissəsində də qol olmayıb və görüş başladığı hesabla bitib-"Cəbrayıl"-"Zaqatala"-0:0.
Günün qarşılaşmasında "Y.Məmmədzadə adına Mingəçevir şəhər stadionu"nunda "Mingəçevir" Yevlax təmsilçisi "Karvan"ı qəbul edib. Hakim Rəvan Həmzəzadənin idarə etdiyi qarşılaşmanın 31-ci dəqiqəsində "Karvan" Bəhruz Teymurovun qolu ilə hesabı açıb- "Mingəçevir"-"Karvan"-0:1. Oyunun 45+2-ci dəqiqəsində Bəhruz Teymurov dubl edərək özünün və komandasının ikinci topuna imza atıb-"Mingəçevir"-"Karvan"-0:2. Oyunun 54-cü dəqiqəsində Aqil Nəsibovun penaltidən qolu ilə "Mingəçevir" hesab arasındakı fərqi azaltdı-"Mingəçevir"-"Karvan"-1:2. Oyunun 87-ci dəqiqəsində Bəhruz Teymurov xett-trik edərək özünün və "Karvan"ın üçüncü topuna imza atıb-"Mingəçevir"-"Karvan"-1:3. Bu oyunda vurulan son qol oldu və "Karvan" matçdan 1:3 qalib ayrıldı.
Turun digər görüşləri sabah keçirilək. Sabah bütün görüşlər eyni anda paralel keçiriləcək
Sabah "Qaradağ Lökbatan" "Lökbatan Olimpia Kompleksinin Stadionu"nda "Qəbələ"ni, "Baku Sportinq Arena"da "Baku Sportinq" MOİK, "Şamaxı Olimpia Kompleksinin Stadionu"nda "Difai" "İmişli"ni qəbul edəcək.