Puqaçovanın qızı mülklərini satır

 Rusiyanın Xalq artisti Alla Puqaçovanın müğənni qızı Kristina Orbakayte Rusiyadakı mülklərindən qurtulmağa başlayıb.
Strateji.az olay-a istinadən bildirir ki, onlar arasında anasının bağ evi və Kristinanın Moskvanın mərkəzində iki dəbdəbəli mənzili var.
Alla Puqaçova 2014-cü ildə qızı Kristinaya sahəsi 760 kvadratmetr olan üçmərtəbəli ev bağışlamışdı. Malikanədə altı yataq otağı, bilyard, ev kinoteatrı, hamam və hovuz var. Ev iki ildən artıqdır ki, satıla bilmir. İndi onun dəyəri 162 milyon rubla (təxminən 2, 9 milyon manat) endirilib.
Orbakayte Moskvanın mərkəzində elit yaşayış kompleksində iki mənzil satır. 8-ci mərtəbədə panoramik pəncərələri olan mənzillər üçün Kristina hər yaşayış sahəsi üçün təxminən 200 milyon rubk (təxminən 3,6 milyon manat) almaq istəyir.