Fabrikdə yanğın: 6 ölü

 Hindistanda fabrikdə yanğın baş verib. Strateji.az "haberler.com" saytına istinadən xəbər verir ki, yanğın Racastan ştatının Japur Bassi bölgəsində baş verib.

Yanğının baş verdiyi fabrikdə kimyəvi məhsullar istehsal olunurdu. Hadisə zamanı 6 nəfər həyatını itirib. Hadisə zamanı 1 nəfər yaralanıb. Hadisənin baş verdiyi ərazidə yanğınsöndürmə briqadaları yanğını nəzarət altına ala bilib. Hadisə ilə bağlı araşdırmalara başlanılıb. 

Məsələ ilə bağlı yanğının baş verdiyi ştatın baş naziri Bahayan Lal Şarma açıqlama verib. O ölənlərin ailə üzvlərinə başsağlığı verərək yanğında həyatını itirən şəxslərin ailələrinə hər cür dəstəyin veriləcəyini bildirib.

//Aytən Əsgərova, Strateji.az