VAZ-2107 dünyanın ən populyar avtomobilləri sırasında
VAZ-2105 və VAZ-2107 avtomobilləri dünya istehsalçılarının ən populyar nəqliyyat vasitələri siyahısında yeddinci yeri tutub.
Strateji.az oxu.az-a istinadən xəbər verir ki, reytinq Britaniyanın "Avtokar" (Autocar) nəşri tərəfindən hazırlanıb.
Məlumatda qeyd olunub ki, mütəxəssislər reytinqi sözügedən avtomobillərin tirajlarını nəzərə alaraq tərtib ediblər.
Reytinqin lideri 1966-cı ildən 51 milyon ədəddən çox satılan "Toyota Korolla" olub.
Sonrakı yerdə 43 milyon avtomobili satılan "Ford F-Series" pikapları qərarlaşıb. İlk üçlüyü "Volksvagen Qolf" qapayıb.
