Gənclər arasında Dünya Çempionatının ilk günündə atıcılarımız gümüş medal qazandı
26 sentyabr - 7 oktyabr tarixlərində Perunun Lima şəhərində baş tutan gənclər arasında Dünya Çempionatında milli komandamız uğurlu mübarizə ilə yadda qalıb. Komandalar arasında keçirilən yarışda qızlarımız gümüş medal əldə edərək, fəxri kürsünün ikinci pilləsinə qalxıb. Atletlərimiz - Zeynəb Sultanova, Leyli Əliyeva və Sofiya Barxalova 10m məsafəyə pnevmatik tapançadan atəş yarışının final görüşündə yalnız Hindistan komandasından geri qalaraq gümüş medala layiq görülüblər.
