Hindistan soğan ixracı qadağasını qeyri-müəyyən müddətə uzadıb
Hindistan hökuməti mövcud bir qadağanın vaxtını qeyri-müəyyən müddətə uzadıb. Strateji.az "haberler.com" saytına istinadən xəbər verir ki, qadağa soğan ixracatına aiddir.
Ölkə daha əvvəl 31 mart 2024-cü ilə qədər soğan ixracını qadağan etmişdi.
Hindistan Xarici Ticarət Baş Departamentliyi yaydığı məlumatda bildirib ki, mart ayının sonuna qədər qüvvədə olan soğan ixracı qadağası növbəti dəfə qeyri-müəyyən müddətə uzadıb
Bu qərar daxili bazarda soğanın mövcudluğunu artırmaq və qiymətlərini nəzarətdə saxlamaq məqsədi daşıyır.
Qeyd edək ki, soğan ixracı ilk dəfə 2023-cü ilin dekabrında qadağan edilmişdi.
//Aytən Əsgərova, Strateji.az