"5 oktyabr - Beynəlxalq Müəllimlər Günü"nə həsr edilmiş karate üzrə turnir keçirilir - FOTOLAR

 5-6 oktyabr 2024-cü il tarixlərində Sərhədçi Olimpiya İdman Mərkəzində Azərbaycan Karate Federasiyasının rəhbərliyi ilə ənənəvi karate üslubu şito-ryu nümayəndəliyi üzrə "Badamlı Karate Klubu"nun təşkilatçılığı ilə "5 oktyabr - Beynəlxalq Müəllimlər Günü"nə həsr edilmiş turnir keçirilir.

Turnirin ilk gününün ümumi nəticələrinə əsasən qaliblər mükafatlandırılıb.  Azərbayacan Karate Federasiyasının baş katibi Qabil Sayadov və federasiya prezidentinin köməkçisi Vüsal Abdullazadə mükafatlandırılma mərasimində iştirak edərək qalibləri təltif edib,  AKF rəhbərliyinin təbriklərini karateçilərimizə çatdırıb.

Qeyd edək ki, iki  gün davam edən turnirdə 30 klubdan 400-ə yaxın karateçi mübarizə aparır.