"Qarabağ" növbəti qələbəsini qazandı-YENİLƏNİB-2
Azərbaycan Premyer Liqasının IX turu çərçivəsində keçirilən "Sumqayıt"-"Qarabağ" oyunu başa çatdı. Gərgin keçən oyun 0:1 "Qarabağ"ın xeyrinə başa çatdı.
Oyunun 74-cü dəqiqəsində "Qarabağ" Elvin Cəfərquliyevin qolu ilə hesabı açdı-"Sumqayıt"-"Qarabağ"-0:1
xxxxx
Cümə günü futbol üzrə Azərbaycan Premyer Liqasında IX tura start verilib. PFL bu günə iki qarşılaşma təyin edib.
Günün və turun sonuncu qarşılaşmasında gənclik şəhər təmsilçisi "Sumqayıt" "Mehdi Hüseyinzadə adına Sumqayıt Şəhər Stadionu"nda "Qarabağ"ı qəbul edir. "Kimyaçılar" bu oyunda ən azı məğlub olmamaq haqqında düşünür. UEFA Avropa Liqasının Liqa mərhələsində ikinci oyunda da məğlub olan "köhlən atlar" azərkeşlərinin kölnünü almaq üçün bu matçdan üç xalla ayrılmağı düşünür. Hakim Elçin Məsiyevin idarə etdiyi qarşılaşmada artıq oyunun ilk hissəsi arxada qald. İlk hissədən sonra tərəflərdən heç biri fərqlənə bilməyib-"Sumqayıt"-"Qarabağ"-0:0
Qeyd etdiyimiz kimi futbol üzrə Azərbaycan Premyer Liqasının IX turuna Cümə günü start verilib.Cümə günü bir qarşlaşma baş tutub.
Turun açılış matçında "Kəpəz" "Tovuz Şəhər Stadionu"nda "Neftçi"ni qəbul edib.Artıq oyunun 4-cü dəqiqəsində "Neftçi" Edin Koffinin qolu ilə hesab açıb-"Kəpəz"-"Neftçi"-0:1.Oyunun 24-cü dəqiqəsində Orxan Əliyev "Kəpəz"in bərabərlik topuna imza atıb-"Kəpəz"-"Neftçi"-1:1.Oyunun 31-ci dəqiqəsində Ramil Şeydayev "Neftçi"nin ikinci topuna imza ataraq komandasını yenidən hesabda önə keçirib-"Kəpəz"-"Neftçi"-1:2.Oyunun 32-ci dəqiqəsində Orxan Əliyev "Kəpəz"in ikinci topuna imza ataraq hesabı bərabərləşdirib-"Kəpəz"-"Neftçi"-2:2. Oyunun 41-ci dəqiqəsində Mahamadu Ba "Kəpəz"in üçüncü topuna imza ataraq komandasını hesabda önə keçirib-"Kəpəz"-"Neftçi"-3:2. İlk hissə "Kəpəz"in 3:2 hesablı üstünlüyü ilə başa çatıb. Oyunun 48-ci dəqiqəsində Viktor Braqa "Kəpəz"in dördüncü topuna imza atıb-"Kəpəz"-"Neftçi"-4:2.Oyunun 90+5-ci dəqiqəsində Ağdadaş Salyanski "Neftçi"nin üçüncü topuna imza ataraq hesab arasındakı fərqi azaldıb-"Kəpəz"-"Neftçi"-3:4.Ancaq "Neftçi"nin bundan artığına gücü çatmayıb və "Kəpəz"in mövsümdə ilk qələbəsini qazandığı turda "Neftçi" mövsümün yeganə qələbəsiz komandası olub.
Dünən iki qarşılaşma baş tutub.
İlk olaraq "Səbail" "ASCO Arena"da "Şamaxı"nı qəbul edib. Artıq oyunun 27-ci dəqiqəsində "Səbail" Qorka Laruççanın qolu ilə hesabı açıb-"Səbail"-"Şamaxı"-1:0. İlk hissə "Şamaxı"nın 1:0 üstünlüyü ilə başa çatıb. Oyunun 63-cü dəqiqəsində "Şamaxı" azlıqda qaldı. Komandanın heyətində Brahim Konate ikinci sarı vərəqəni alara meydandan qovulub-"Səbail"-"Şamaxı"-1:0. "Dənizçilər" say üstünlüyündən maksimum istifadə edib. Oyunun 68-ci dəqiqəsində Madi Queta "Səbail"in ikinci topuna imza atıb-"Səbail"-"Şamaxı"-2:0. Bu oyunda vurulan son qol oldu və "Səbail" oyundan 2:0 qalib ayrıldı.
Günün ikinci qarşılaşmasında "Sabah" "Bank Respublika Arena"da "Araz-Naxçıvan"ı qəbul edib.Artıq oyunun 5-ci dəqiqəsində "Sabah" Pavol Safrankonun qolu ilə hesabı açıb-"Sabah"- "Araz-Naxçıvan"-1:0.Oyunun 8-ci dəqiqəsində Felipe Santos "Araz-Naxçıvan"ın bərabərlik topuna imza atıb-"Sabah"-"Araz-Naxçıvan"-1:1. İlk hissə tərəflərin hərəyə bir dəfə fərqlənməsi ilə başa çatıb. Oyunun ikinci hissəsində heç bir qol olmayıb və nəticədə ilk hissənin nəticəsi oyunun nəticəsi olub-"Sabah"-"Araz-Naxçıvan"-1:1. Beləcə hərəyə bir dəfə fərqlənən tərəflər bir xala qane olublar-"Sabah"-"Araz-Naxçıvan"-1:1.
Bu gün bir qarşılaşma baş tutub.
Bu görüşdən əvvəl "Turan Tovuz" "Tovuz Şəhər Stadionu"nda "Zirə"ni qəbul edib. Oyunun ilk hissəsi başladığı hesabla bitib-"Turan Tovuz"-"Zirə"-0:0. Oyunun 89-cu dəqiqəsində "Turan Tovuz" Faiq Hacıyevin qolu ilə hesabı açıb-"Turan Tovuz"-"Zirə"-1:0. Bu oyunda vurulan son qol olub və "Turan Tovuz" matçdan 1:0 qalib ayrılıb. Bununlada tovuzlular II pilləyə yüksəlib.