Yunanıstanlı futbolçu avtomobilin içində yanaraq öldü
Yunanıstanda dəhşətli yol qəzası baş verib.Strateji.az "haberler.com" saytına istinadən xəbər verir ki, hadisə Larissa şəhərində baş verib.
Hadisə zamanı gənc futbolçu idarə etdiyi avtomobillə əvvəlcə baryerə, daha sonra isə elektrik dirəyinə çırpılıb. Hadisə zamanı zərbənin nəticəsindən avtomobil yanıb. Gənc futbolçu Kristos Kermelidis avtomobilin içində yanaraq ölüb.
Qeyd edək ki, 27 yaşlı futbolçu Larissa şəhər təmsilçisi "Axillas Farsolos" klubunda forma geyinib.
//Məleykə Bayramova, Strateji.az