Vüsal Qurbanov: "İldən-ilə nəticələrimiz yaxşılaşır"
Azərbaycan Kanoe Federasiyası arıtq bir neçə dəfədir ki, işğaldan azad olunmuş bölgələrdə yarışlar keçirir. Strateji.az saytının məlumatına görə bu sözləri jurnalistlərə açıqlamasında Azərbaycan Kanoe və Avarçəkmə Federasiyasının mətbuat katibi Vüsal Qurbanov bildirib.
"Federasiyamız daha bir yeniliyə imza atır. İşğaldan azad olunana daha bir bölgədə yarış keçiriləcək. Sabah, Oktyabr 17-də Füzulinin işğaldan azad olunma günü ilə əlaqədar olaraq Aşağı Köndələnçay su anbarında yarış keçiriləcək və "Mingəçevir Reqatası"nın rəsmi açılış mərasimi olacaq." -deyə Vüsal Qurbanov bildirib.
Vüsal Qurbanov idmançılarımızın son nəticələrindən və bu yarışda gözləntilərindən də danışıb.
"Komandalarımız daimi təlim-məşq prosesi keçirlər. Təlim-məşq prosesləri Bakıda və Mingeçevirdə keçirilir. Bu da öz müsbət nəticəsini göstərir. Nəticələrimiz ildən-ilə yaxşılaşır"-deyə federasiyanın mətbuat katibi qeyd edib.
//Nəzərbəy Hacıağayev, Strateji.az