Norveçin bu tələbləri işimizi iflic edir - Zaxarova
Rəsmi Oslonun rus diplomatlarının sayının azaldılması ilə bağlı son tələbləri faktiki olaraq Norveçdəki Rusiya diplomatik qurumlarının fəaliyyətini iflic edir.
Strateji.az axar.az-a istinadən xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.
"Norveç hakimiyyətinin tələblərinə uyğun olaraq, Rusiyanın Norveçdəki səfirliyi, eləcə də Kirkenes və Barentsburqdakı Baş Konsulluğu oktyabrın 17-dən etibarən akkreditə olunmuş diplomatların sayını qondarma kvotaya qədər azaltmağa məcburdur.
Oslonun ultimatum tələbləri Rusiyanın xarici agentliklərinin Norveçdəki fəaliyyətini son dərəcə çətinləşdirir və Oslonun qərarları əslində bir sıra sahələrdə bizim xarici agentliklərin fəaliyyətini iflic vəziyyətinə salır", - Zaxarova qeyd edib.
