Milli Bakıda məğlub olmadı-YENİLƏNİB-3
"FIFA series – Edition 2024" layihəsi çərçivəsində keçirilən Azərbaycan-Bolqarıstan oyunu başa çatdı.Gərgin keçən marçda tərəflər hərəyə bir dəfə fərqləndi-Azərbaycan-Bolqarıstan-1:1
xxx
Oyunun 87-ci dəqiqəsində Musa Qurbanlı Azərbaycan millisinin bərabərlik topuna imza atdı-Azərbaycan-Bolqarıstan-1:1
xxx
Oyunun 59-cu dəqiqəsində Bolqarıstan Flip Krastevin qolu ilə hesabı açdı-Azərbaycan-Bolqarıstan-0:1
xxxx
Bu gün futbol üzrə Azərbaycan millisi "FIFA series – Edition 2024" layihəsi çərçivəsində "Tofiq Bəhramov adına Respublika Stadionu"nda Bolqarıstan millisini qəbul edir. Keçən oyunda çox zəif Monqolustan millisinə qalib gələn komandamız bu oyunda Avropanı təmsil edən rəqibinə üstün gəlməyə çalışır. Keçən oyun Tanzaniya millisi ilə oyunda qələbəyə sevinən Bolqarıstan Bakıdan iki qələbə ilə ayrılmaq istəyir. Oyunun baş hakimi Estoniyanı təmsil edən Kristo Tohverdir. Ona ədaləti təmsil etməkdə həmyerliləri Sender Saqa və Sten Klassen kömək edir. Oyunda dördüncü hakim funksiyasını həmyerlimiz İnqilab Məmmədov yerinə yetirir. Artıq oyunda ilk hissə arxada qaldı. İlk hissdən sonra tərəflərdən heç biri fərqlənə bilməyib-Azərbaycan-Bolqarıstan-0:0
Qeyd edək ki, "FIFA series – Edition 2024" layihəsinə Bakıda Martın 22-də start verilib. İlk oyun günü Azərbaycan millisi Monqolustan millisini qəbul edib. Oyunun ilk hissəsi başladığı hesabla bitib-Azərbaycan-Monqolustan-0:0. Oyunun 90+1-ci dəqiqəsində Azərbaycan millisi Bəhlul Mustafazadənin qolu ilə hesabı açıb-Azərbaycan-Monqolustan-1:0. Bu oyunda vurulan sonuncu qol olub və milli komandamız matçdan 1:0 qalib ayrılıb.