"Araz-Naxçıvan" "Zirə"ni qəbul edir-START HEYƏTLƏR
Dünən futbol üzrə Azərbaycan Premyer Liqasında XI tura start verilib. PFL bu günə iki qarşılaşma təyin edib.
İlk olaraq "Araz-Naxçıvan" "Liv Bona Dea Arena"da "Zirə"ni qəbul edəcək. Muxtar respublika təmsilçisi bu oyunda növbəti qələbəsini qazanmağı düşünür. "Mavi qartallar" isə "Araz-Naxçıvan"a çatmaq üçün növbəti üç xallarını qazanmağa çalışacaq. Hakim Əliyar Ağayevin idarə edəcəyi qarşılaşma üçün artıq komandaların start heyətləri bizlərə məlumdur:
"Araz-Naxçıvan"ın start heyəti:
12. Kristian Avram(GK)
34. Urfan Abbasov (C)
3. Bəxtiyar Həsənalızadə
26. Ömər Buludov
24. Mustafa Əhmədzadə
16. Ramon Maçado
29. Vanderson Melo
23. Nuno Rodriqes
14. Miço Kuzmanoviç
4. İqor Ribeyro
97. Felipe Santos
"Araz-Naxçıvan"ın ehtiyat oyunçuları:
94. Tərlan Əhmədli(GK)
2. Slavik Alxasov
6. Vadim Abdullayev
7. Ülvi İsgəndərov
22. Elçin Mustafayev
20. Turan Vəlizadə
88. Tuqay Əlizadə
11. Bayraməli Qurbanov
71. Sənan Ağalarov
21. Sezar Meza Kolli
17. İssuf Paro
10. Bernardo Dias
"Araz-Naxçıvan"ın baş məşqçisi:Elmar Baxşıyev
"Zirə"nin start heyəti:
97. Tiaqo Silva(GK)
7. Məqsəd İsayev
8. İsmayıl İbrahimli
16. Fuad Bayramov
11. Rüstəm Əhmədzadə
4. Ruan Renato (C)
10. Giorgi Papunaşvili
23. Rafael Utziq
3. Ange Mutsinzi
6. Eldar Quliyev
19. Salifu Suma
"Zirə"nin ehtiyat oyunçuları:
13. Aydın Bayramov(GK)
21. Hacıağa Hacılı
14. Elçin Əlicanov
29. Ceyhun Nuriyev
22. İldar Alekperov
5. Stefan Aka
90. Davit Volkov
15. Pyer Zebli
28. Abbas İbrahim
24. Yusuf Laval
18. Junior Martins
17. Ayron Qomis
"Zirə"nin baş məşqçisi:Rəşad Sadıqov
Günün ikinci qarşılaşmasında "Səbail" "ASCO Arena"da gənclik şəhər təmsilçisi "Sumqayıt"ı qəbul edəcək. Keçən tur "Neftçi"yə məğlub olan "dənizçilər" bu oyunda doğma publika önünüdə qələbə qazanmağa çalışacaq. Keçən tur yeni baş məşqçisi ilə məğlub olan "kimyaçılar" bu turda Vaqif Cavadovun rəhbərliyi ilə ilk üç xalını qazanmaq istəyir.
Turun digər görüşləri Bazar günü keçiriləcək. Bazar günü iki qarşılaşma baş tutacaq.
Bazar günü ilk olaraq "Sabah" "Bank Respublika Arena"da "Neftçi"ni qəbul edəcək. "Bayquşlar" meydana üç xal üçün çıxacaq. Keçən tur mövsümdə ilk qələbəsini qazanan "ağ-qaralar"da növbəti qələbəsini qazanmaq üçün meydana çıxacaq.
Günün və turun sonuncu qarşılaşmasında "Qarabağ" "Tofiq Bəhramov adına Respublika Stadionu"nda "Şamaxı"nı qəbul edəcək. UEFA Avropa Liqasında işləri yaxşı getməyən "köhlən atlar" bu oyunda qələbə qazanaraq Premyer Liqadakı liderliyini qorumaq üçün qələbə qazanmaq istəyəcək.
Qeyd edək ki, futbol üzrə Azərbaycan Premyer Liqasının XI turuna dünən start verilib. Açılış günündə bir qarşılaşma baş tutub.
Turun açılış oyununda "Turan Tovuz" "Tovuz Şəhər Stadionu"nda qədim Gəncə təmsilçisi "Kəpəz"i qəbul edib.Artıq oyunun 15-ci dəqiqəsində "Turan Tovuz" Veysəl Rzayevin qolu ilə hesabı açıb-"Turan Tovuz"-"Kəpəz"-1:0. İlk hissə tovuzluların 1:0 üstünlüyü ilə başa çatıb. Oyunun 76-cı dəqiqəsində Luis Paço penaltidən "Kəpəz"in bərabərlik topuna imza atıb-"Turan Tovuz"-"Kəpəz"-1:1.Oyunun 90+3-cü dəqiqəsində Emanuel Hakman "Turan Tovuz"un ikinci topuna imza ataraq komandasını hesabda önə keçirib-"Turan Tovuz"-"Kəpəz"-2:1. Bu oyunda vurulan son qol oldu və Qərb derbisindən "Turan Tovuz" 2:1 qalib ayrılıb.







