"Araz-Naxçıvan" turnir cədvəlinin lideri oldu-YENİLƏNİB-3
Azərbaycan Premyer Liqasının XIV turu çərçivəsində keçirilən "Kəpəz"-"Araz-Naxçıvan" oyunu başa çatdı. Gərgin keçən matç 0:2 muxtar respublika təmsilçisinin xeyrinə başa çatıb. Bu qələbə ilə "Araz-Naxçıvan" müvəqqəti də olsa turnir cədvəlinin lideri olub.
xxx
Oyunun 85-ci dəqiqəsində Bernardo Dias "Araz-Naxçıvan"ın ikinci topuna imza atdı-"Kəpəz"-"Araz-Naxçıvan"-0:2
xxxx
"Kəpəz"-"Araz-Naxçıvan" oyununda tərəflər fasiləyə yollandı. İlk hissədən sonra "Araz-Naxçıvan" 0:1 hesabda irəlidədir.
xxxx
Bu gün Azərbaycan milli komandasının UEFA Millətlər Liqasındakı oyunları ilə əlaqədar olaraq yaranan fasilədən sonra futbol üzrə Azərbaycan Premyer Liqasında XIV tura start verilib. PFL açılış gününə bir qarşılaşma təyin edib
Günün açılış qarşılaşmasında qədim Gəncə təmsilçisi "Kəpəz" "Tovuz Şəhər Stadionu"nda "Araz-Naxçıvan"ı qəbul edir. Keçən tur bir xala sevinən Nizami yurdunun təmsilçilər bu oyunda ən azı məğlub olmamağa çalışır. Muxtar respublika təmsilçisi isə ən azı bir günlük liderliyə yüksəlmək üçün bu oyundan qələbə ilə ayrılmağa çalışır. Hakim Elçin Məsiyevin idarə etdiyi qarşılaşmada artıq oyunun 25-ci dəqiqəsində "Araz-Naxçıvan" Felipe Santosun qolu ilə hesabı açdı-"Kəpəz"-"Araz-Naxçıvan"-0:1
Turun digər görüşləri sabah və Bazar günü keçiriləcək.
Sabah ilk olaraq "Səbail" "ASCO Arena"da "Qarabağ"ı qəbul edəcək. "Dənizçilər" matçda ən azından məğlub olmamaq haqqında düşünəcək. UEFA Avropa Liqasının liqa mərhələsində növbəti oyuna hazırlaşan "köhlən atlar" isə matçda çox güc sərf etmədən növbəti üç xalını qazanmağı düşünəcək.
Günün ikinci qarşılaşmasında "Neftçi" "Neftçi Arena"da "Zirə"ni qəbul edəcək. Samir Abbasovun da gəlişindən sonra qeyri-stabil oyun sərgiləyən "ağ-qaralar" bu oyunda qələbə qazanmağı hədəfləyib. Keçən tur "Qarabağ" qarşısında darmadağın olan "mavi qartallar" bu oyunda növbəti üç xallarını qazanmağa çalışacaq.
Bazar günü iki qarşılaşma baş tutacaq.
İlk olaraq "Turan Tovuz" "Tovuz Şəhər Stadionu"nda "Sabah"ı qəbul edəcək. Yüksək yerlər uğurunda mübarizə aparan və iki turdur qələbəyə həsrət tovuzlular bu oyunda növbəti qələbələrini qazanmağa çalışacaq. Düz altı turdu qələbə qazanana bilməyən "bayquşlar"da meydana qələbə üçün çıxacaq.
Günün və turun sonuncu qarşılaşmasında gənclik şəhər təmsilçisi "Sumqayıt" "Mehdi Hüseyinzadə adına Sumqayıt Şəhər Stadionu"nda "Şamaxı"nı qəbul edəcək. "Kimyaçılar" matçda növbəti üç xallarını qazanmağı hədəfləyib. "Şamaxı" isə bu oyunda ən azından məğlub olmamaq haqqında düşünəcək.







