"Neftçi" növbəti qələbəsi qazandı-YENİLƏNİB-2
Azərbaycan Premyer Liqasının XXVIII turu çərçivəsində keçirilən "Qəbələ"-"Neftçi" oyunu başa çatdı. Gərin keçən oyunda "Neftçi" 0:1 qalib gəldi.
xxxxx
"Qəbələ"-"Neftçi" oyununda tərəflər fasiləyə yollandı. İlk hissədən sonra "Neftçi" 0:1 hesabda irəlidədir.
xxxxx
Azərbaycan milli komandasıının "FIFA series – Edition 2024" layihəsi çərçivəsində keçirdiyi oyunlarla əlaqədar olaraq yaranmış fasilədən sonra Azərbaycan Premyer Liqasında XXVIII tura start verilib. PFL bu günə iki qarşılaşma təyin edib.
Turun açlış oyununda "Qəbələ" "Qəbələ Şəhər Stadionu"da "Neftçi"ni qəbul edir. Meydan sahibləri bu oyunda ən azı məğlub olmamaq haqqında fikirləşir. "Neftçi" isə ikinci yer uğrunda mübarizəni davam etdirmək üçün bu oyunda qələbə qazanmağı düşünür. Hakim Cavid Cəlilovun etdiyi qarşılaşmada artıq oyunun 42-cü dəqiqəsində "Neftçi" Kilan Lebonun qolu ilə hesabı açdı-"Qəbələ"-"Neftçi"-0:1
Günün ikinci qarşılaşmasında qədim Gəncə təmsilçisi "Kəpəz" "Tofiq Bəhramov adına Respublika Stadionu"nda "Qarabağ"ı qəbul edəcək. Nizami yurdunun təmsilçiləri bu oyunda möcüzə axtarışında olacaq. "Köhlən atlar" isə bu oyunda növbəti çempionluğunu mövsüm sona çatmamış rəsmiləşdirmək istəyir.
Turun digər görüşləri sabah və bazar günü keçiriləcək.
Şənbə günü ilk olaraq "Səbail" "ASCO Arena"da "Turan Tovuz"u qəbul edəcək. Keçən tur darmadağın olaraq 6-cı pilləyə yuvarlanan "dənizçilər" növbəti qələbəsini qazanmağı planlaşdırır. Keçən tur "Qarabağ"a məğlub olan qonaqlarda bu oyunda üç xal qazanaraq "Səbail"i üstələməyi düşünür.
Günün son oyununda "Sabah" "Bank Respublika Arena"da "Zirə"ni qəbul edəcək. "Sabah" ikinci yerdəki mövqeyini qorumaq üçün bu maçtdan qalib ayrılmağı düşünür."Mavi qartallar" isə II pillə uğrunda mübarizə aparmaq üçün bu oyunda qalib gəlməyi düşünür.
Turun sonuncu görüşü Bazar günü keçiriləcək.
Bazar günün günün yeganə turun sonuncu görüşündə "Mehdi Hüseynzadə adına Sumqayıt şəhər stadionu" gənclik şəhər təmsilçisi "Sumqayıt" "Araz-Naxçıvan"ı qəbul edəcək. Meydan sahibləri ikinci pillə uğrunda mübarizəni davam etmək üçün bu matçdan üç xalla ayrılmaq istəyir. Muxtar Respublika təmsilçisi də yüksək yerlər uğrunda mübarizə aparmaq istədikləri üçün bu oyunda üç xal qazanmağı hədəfləyir.
