ABŞ-ın Suriyadakı keçmiş nümayəndəsi Cefri: "Əsəd indiyə qədər sülhü rədd edib"
Bu günlərdə bütün dünyanın diqqətini cəlb edən münaqişələrdən biri də Suriyada baş verən münaqişədir. Strateji.az Türkiyənin "Hürriyət" qəzetinə istinadən xəbər verir ki, məsələ ilə bağlı ABŞ-ın Suriyadakı keçmiş nümayəndəsi Ceyms Cefri açıqlama verib.
"Əsəd rejimi 10 ildir ortaq məxrəcə gəlməyi rədd edir. O BMT-nin həll varyantından imtina etdi.O, İranın İsrail, İordaniya və digər region ölkələrində sabitliyi pozmaq səylərini dəstəkləməyə davam etdi və əksər qonşuları və ya öz xalqı ilə sülh bağlamağa çalışmadı. Bu səbəbdən bu gün xalqı ona qarşı daha böyük bir üsyan qaldırıb."-deyə Cefri bildirib.
Cefri "CNN Türk"ə açıqlamasında Rusiyanın Suriyadakı maraqlarından da bəhs edib.
"Suriya məsələsi Rusiya üçün ciddi və vacib məsələdir. Rusiya bu rejimin çökməsinə imkan verməyəcək. Rusiyaya Dəməşqdə dost hökumət lazımdır. Rusiya Suriyadakı limanını və hava bazasını saxlamalıdır. Ona görə də Rusiya Əsəd rejimini dəstəkləyəcək"-deyə Cefri bildirib.
//Nəzərbəy Hacıağayev, Strateji.az







