Suriyanın keçid hökuməti: "Geri qayıdın"
Suriyanın keçid hökümətinin rəhbəri Məhəmməd Əl Bəşir xalqa müraciət edib. Strateji.az "CNN Türk"ə istinadən xəbər verir ki, o Suriyalıları geri dönməyə çağırıb.
"Hal-hazırda ölkədə vəziyyət gərgindir. Bütün xaricdəki suriyalılar geri qayıdıb ölkəni yenidən qurmağa kömək etməlidir.Geri qayıdın. Biz yenidən qurmalıyıq, yenidən doğulmalıyıq və hamının köməyinə ehtiyacımız var. "-deyə Məhəmməd Əl Bəşir bildirib.
O 1 marta qədər vəzifədə olacaq keçid hökumətinin öhdəliklərindən də bəhs edib.
"Birincisi, Suriyanın bütün şəhərlərində təhlükəsizliyin və sabitliyin bərpa olunmasıdır. İnsanlar haqsızlıq və zülmdən yorulub. Dövlət hakimiyyəti yenidən qurulmalıdır ki, insanlar öz işlərinə və normal həyata qayıtsınlar. İkincisi, milyonlarla insanı geri qaytarmaqdır. Məhs onların bu müddət ərzində xarici dövlətlərdə əldə etdiyi bilik və təcrübə ölkənin qurulmasına yardımçı olacaq"-deyə Əl Bəşir bildirib.
O hazırda ölkənin maliyyə məsələlərinə də toxunub
"Xəzinədə yalnız çox az dəyəri olmayan Suriyanın milli valyutası var. Xarici valyutamız yoxdur. Kredit və istiqrazların əldə edilməsi üçün məlumat toplayırıq. Yəni maddi cəhətdən çox pisik. Yalnız 2025-ci ilin mart ayına qədər qalacağıq. Borc böyükdür, çətinliklər çox böyükdür.Lakin bizim uğur qazandığımız İdlib təcrübəmiz var. Suriyanı inkişaf etdirə bilərik. Bu vaxt aparacaq, amma buna nail olacağıq" deyə ölkənin keçid hökümətinin rəhbəri bildirib.
//Nəzərbəy Hacıağayev, Strateji.az







