Putin UAEA-nın sədri ilə gördü
Rusiya Prezidenti Vladimir Putin Beynəlxalq Atom Enerjisi Agentliyi(UAEA)nın sədri Rafel Qrossi ilə görüşüb. Strateji.az "CNN Türk"ə istinadən xəbər verir ki, görüş Rusiyanın Soçi şəhərində keçirilib.
Görüşdə Rusiya Dövlət Atom Enerjisi Təşkilatının (ROSATOM) baş direktoru Aleksey Lixaçev də iştirak edib. Görüş zamanı Putin UAEA ilə sıx əməkdaşlıqdan bəhs edib. O qeyd edib ki, biz nüvə obyektlərinin təhlükəsizliyinə xüsusi diqqət edən bir dövlətik. Bu sahədə dünya dövlətləri arasında lider qismindəyik. Putin Rusiyanın ətraf mühiti çirkləndirmədən enerji əldə edilməsi məsələsində həsas olduğunu vurğulayıb. Rusiya Prezidenti müasir tələblərə cavab verən yeni stansiyaların tikiləcəyini görüş zamanı vurğulayıb.
Qrossi də öz növbəsində Rusiyada sözü gedən sahə üzrə görülən işlərin yüksək səviyyədə olduğunu bildirib. UAEA sədri 2 il əvvəl Rusiya Prezidenti ilə Sankt-Peterburq görüşünü xatırlayaraq həmin görüşdən bəhs edib.
//Nəzərbəy Hacıağayev, Strateji.az