Rahil günahlandırılıb, baş məşqçi üzr istəyib

 Azərbaycanlı müdafiəçi Rahil Məmmədov Polşa çempionatında ağır məğlubiyyətə görə tənqid olunub.

İdman.biz xəbər verir ki, bu, onun çıxış etdiyi LKS-in səfərdə 0:6 hesabı ilə uduzmasından sonra baş verib.

Oyunu zəif keçirən Rahil Polşa mətbuatının tənqidi ilə üzləşib. Buraxılan qollarda müdafiə xəttinin səhvləri qabardılıb. Amma LKS-in baş məşqçisi Marçin Matisyak məsuliyyəti öz üzərinə götürüb: “Bu nəticəgə görə azarkeşlərdən üzr istəyirəm. Lider mövqeyində qərarlaşan güclü rəqiblə qarşılaşdığımızı yaxşı bilirdik. Amma belə ağır məğlubiyyəti gözləmirdim. Bütün məsuliyyəti öz üzərimə götürür və azarkeşlərdən bir daha üzr istəyirəm”.