Geriyə qayıt Çap et

Azərbaycan Cüdo Federasiyası ilin ən yaxşısıdır!

 Yanvarın 9-u Gənclər və İdman Nazirliyi tərəfindən 2024-cü ilin ən yaxşı idmançılarının, məşqçilərinin və idman ictimaiyyəti nümayəndələrinin mükafatlandırılması ilə bağlı qala mərasimi keçirilib.
  
2024-cü ilin “Ən Yaxşıları” sorğusunun yekun nəticələrinə əsasən Azərbaycan Cüdo Federasiyası ilin idman federasiyası adına layiq görülüb. 

Paris-2024 Yay Olimpiya oyunlarının qızıl mükafatçısı Hidayət Heydərov ilin ən yaxşı kişi idmançısı seçilib.

İlin ən yaxşı kişi idmançısı nominasiyasında 2-ci yerin sahibi Olimpiya çempionu Zelim Kotsoyev olub. 

Riçard Trautman 2024-cü ilin ən yaxşı kişi məşqçisi nominasiyasının qalibi seçilib. 

Cüdo üzrə milli komanda ilin kişilərdən ibarət milli komandası nominasiyasında 2-ci yerin sahibi olub. 

”Doğru Yol Budur” layihəsi çərçivəsində hazırlanan “Bir də gəlsəm” videoçarxı ilin idman videoçarxı seçilib. 

İlin tibb personalı nominasiyasında 3-cü yerin sahibi cüdo üzrə milli komandaların baş həkimi Ramil Vəliyev olub.

Bakı Böyük Dəbilqə turniri ilin idman tədbiri nominasiyasında 3-cü yerdə qərarlaşıb. 

Azərbaycan Cüdo Federasiyası cüdo ailəsinin üzvlərinin əldə etdiyi nailiyyətləri qiymətləndirən və dəstək olan hər kəsə təşəkkürünü bildirir!