Geriyə qayıt Çap et

"Mançester" 131 ildən sonra antirekordunu təkrarladı

 İngiltərənin "Mançester Yunayted" klubu Premyer Liqada antirekordunu təkrarlayıb.

Strateji.az axar.az-a istinadən bildirir ki, "qırmızı şeytanlar" bunu "Brayton"a evdə 1:3 hesabı ilə məğlub olduqları XXII tur oyununda reallaşdırıb. Belə ki, Mançester təmsilçisi ölkə çempionatında bu mövsüm doğma meydanda keçirdiyi ilk 12 matçın 6-sını uduzub. Son dəfə belə hal 131 il öncə qeydə alınıb.

Qeyd edək ki, Ruben Amorimin baş məşqçisi olduğu komanda hazırda turnir cədvəlində 26 xalla 13-cü pillədə qərarlaşıb.