Rusiyanın paytaxtı Moskvada "Crocus City Hall" ticarət mərkəzinin konsert zalında baş vermiş dəhşətli terror hadisəsinin istintaqı hələ də davam edir. Strateji.az "haberler.com" saytına istinadən xəbər verir ki, bu gün daha üç nəfər saxlanılıb.
Bu barədə məlumatı Rusiyanın FSB-si verib. Məlumatda qeyd olunub ki, saxlanılan şəxslər Mərkəzi Asiyadandır. Onlar terror aktı zamanı istifadə edilən silahların satışı və təşkilinə görə həbs olunub.
Saxlanılan şəxslərlə qarşı cinayyət işi açılıb.
Qeyd edək ki, Moskvada baş vermiş dəhşətli terror Rusiyada son 20 ilin ən faciəvi terraktı kimi tarixə düşdü. Hadisə zamanı 144 nəfər həyatını itimişdi. Hadisəyə görə indiyədək 10 nəfər saxlanılaraq istintaqa cəlb edilib.
//Aytən Əsgərova, Strateji.az