“Şahdağ” Turizm Mərkəzində təşkil olunan yarışın ikinci günündə baş tutan son turların qarşılaşmalarından sonra mükafatlar uğrunda yarışacaq komandalar bəlli.
Qadınların yarışında üçüncülük üçün “Gəncə” klubu U-21 komandasını 2:0 hesabı ilə məğlub edərək bürünc medal qazanıb. Final görüşü isə “AZERRAIL” və “Murov Az Terminal” komandaları arasında baş tutub. Həlledici matçda 2:0 hesabı ilə qalib gələn “AZERRAIL” ilk Azərbaycan çempionu adını qazanıb.
Kişilərin mübarizəsində isə bürünc medalı “Gənclər” komandasını 2:0 hesabı ilə məğlub edən U-21 kollektivi qazanıb. Finalda isə “AZERRAIL” və “Murov Az Terminal” komandaları qarşılaşıblar. Rəqibinə 2:0 hesabı ilə qalib gələn “AZERRAIL” Azərbaycan çempionatının qalibi olub.
Final oyunlarından sonra qalib komandaların mükafatlandırma mərasimi keçirilib. Qalib komandalara kubok və medallar təqdim olunub.
26 yanvar
Qadınlar
3-cü yer
“Gəncə” - U-21 2:0 (15:9, 15:11)
Final
“AZERRAIL” - “Murov Az Terminal” 2:0 (15:10, 15:8)
Kişilər
3-cü yer
U-21 - “Gənclər”2:0 (15:5, 15:9)
Final
“AZERRAIL” - “Murov Az Terminal” 2:0 (15:8, 15:12)
Qadınlar
I yer - “AZERRAIL”
II yer - “Murov Az Terminal”
III yer - “Gəncə”
Kişilər
I yer - “AZERRAIL”
II yer - “Murov Az Terminal”
III yer - U-21