Slovakiyanın Baş naziri Robert Fitso bildirib ki, əgər Ukrayna Prezidenti Volodimir Zelenski qaz tranzitini bərpa etməsə, Bratislava Avropa Şurasında Kiyevə ayrılan maliyyə yardımının qarşısını alacaq.
"Mən israr edirəm: əgər Zelenski Ukrayna ərazisindən qaz tranzitini bərpa etməsə, fərqi yoxdur, bu, istər Slovakiya qazı olsun, istərsə də başqa ölkəyə gedən mavi yanacaq, mən Avropa Şurasındakı səs hüququmdan istifadə edəcəyəm", - deyə Robert Fitso vurğulayıb.
Qeyd edək ki, 2025-ci il yanvarın 1-dən Kiyevin müqaviləni uzatmaqdan imtina etməsi səbəbindən Rusiya qazının Ukrayna ərazisindən Avropaya tranziti tamamilə dayandırılıb. Bu qərar Slovakiyanın və regiondakı digər ölkələrin mavi yanacaq təminatını təhlükə altında qoyub.
//oxu.az