Azərbaycan Premyer Liqasının XXIX turu çərçivəsində keçirilən "Turan Tovuz"-"Sabah" oyunu başa çatdı. Gərgin keçən görüşdə "Tura Tovuz" 2:0 qalib gəldi.
xxxx
Oyunun 82-ci dəqiqəsində Otto Con "Turan Tovuz"un ikinci topuna imza atdı-"Turan Tovuz"-"Sabah"-2:0
xxxx
"Turan Tovuz"-"Sabah" oyununda tərəflər fasiləyə yollandı. İlk hissədən sonra "Turan Tovuz" hesabda 1:0 irəlidədir.
xxxx
Dünən futbol üzrə Azərbaycan Premyer Liqasında XXIX turuna start verilib. PFL bu günə iki qarşılaşma təyin edib.
Günün ilk qarşılaşmasında "Turan Tovuz" "Tovuz Şəhər Stadionu"nda "Sabah"ı qəbul edir. Keçən tur "ASCO Arena"da qələbə qazana bilməyən meydan sahibləri özündən yuxarıda olan komandalara çatmaq üçün bu matçda üç xal qazanmağa çalıışır. Avrokuboklara vəsiqə qazanmaq istəyən "Sabah"dan matçdan üç xalla ayrılmağı düşünəcək. Hakim Əliyar Ağayevin idarə etdiyi qarşılaşmada artıq oyunun 26-cı dəqiqəsində "Turan Tovuz" Aleksu Sounzanın qolu ilə hesabı açdı-"Turan Tovuz"-"Sabah"-1:0
Günün ikinci qarşılaşmasında "Qarabağ" "Tofiq Bəhramov adına Respublika Stadionu"nda "Səbail"i qəbul edəcək. "Qarabağ"ın əsas hədəfi mövsümün sonuna qədər oyun ritmini itirməmək üçün bu matçda növbəti qələbəni qazanmaqdır. "Dənizçilər" isə heç bir motivasiyası olmayan rəqiblərindən bu turda üç xal almağa çalışacaq.
Bazar günü daha iki qarşılaşma keçiriləcək.
Günün ilk qarşılaşmasında "Zirə" "Zirə İdman Kompleksinin Stadionu"nda "Qəbələ"ni qəbul edəcək. Azərbaycan Kubokunun yarımfinalında rəqibinə qalib gələn "mavi qartallar" bu oyunda doğma publika önünüdə qələbə qazanaraq yüksək yerlər uğrunda mübarizəni davam etdirməyi düşünür.
Günün və turun sonuncu oyunda isə "Neftçi" "Neftçi Arena"da gənclik şəhər təmsilçisi "Sumqayıt"ı qəbul edəcək. Azərbaycan Kubokundan əli üzülən, "Neftçi" ən azı ikinci pilləni qoruyub mövsümü gümüş medallarla bitirmək üçün bu matçdan üç xalla ayrılmağı düşünəcək. Gənclik şəhər təmsilçisi isə "Neftçi"nin mövqeyini ələ keçirmək üçün Bakıdan üç xalla ayrılmağı düşünəcək.
Qeyd etdiyimiz kimi futbol üzrə Azərbaycan Premyer Liqasının XXIX turuna dünən start verilib. Turun ilk günün ilk qarşılaşmasında "Liv Bona Dea Arena"da "Araz-Naxçıvan" qədim Gəncə təmsilçisi "Kəpəz"i qəbul edib. Artıq oyunun 16-cı dəqiqəsində "Araz-Naxçıvan" Miço Kuzmanoviçin qolu ilə hesabı açıb-"Araz-Naxçıvan"-"Kəpəz"-1:0. İlk hissə "Araz-Naxçıvan"ın 1:0 üstünlüyü ilə başa çatdıb. Oyunun 54-cü dəqiqəsində "Kəpəz" Martins Juniorun qolu ilə hesabı bərabərləşdirib-"Araz-Naxçıvan"-"Kəpəz"-1:1.Oyunun 62-ci dəqiqəsində Mate Kvirkiya "Kəpəz"in ikinci topuna imza ataraq komandasını hesabda irəli çıxardıb-"Araz-Naxçıvan"-"Kəpəz"-1:2. Bu oyunda vurulan son qol oldu və "Kəpəz" matçdan 1:2 qalib ayrıldı.