Geriyə qayıt Çap et

Bişkek şəhərində “Bishkek Open” beynəlxalq turnir keçirilib

 28-31 yanvar 2025 -ci il tarixlərdə Qırğızıstan Respublilasının Bişkek şəhərində “Bishkek Open” beynəlxalq turnir keçirilmişdir. 

Kumite yarışlarında  Aslan Dostuyev böyüklər arasında  -67 kq,  Adil Quliyev  -75 kq, Rauf İmanov gənclər arasında 16-17 yaş, -61 kq, Aziz Qasımov yeniyetmələr arasında 14-15 yaş -52 kq və Ömər Əliyev uşaqlar arasında 10-11 yaş -30 kq çəki dərəcəsində ölkəmizi təmsil etmişdir.

AKF -in idman karatesi üzrə yığma komandasının üzvlərindən Aslan Dostuyev qızıl medal, Rauf İmanov isə finalda Qazaxıstan idmançısına məğlub olaraq, gümüş medal qazanmışdır. Ömər Əliyev isə öz çəki dərəcəsində yarışı bürünc medalla başa vurmuşdur.

Komandamız yarışda “Təhsil”RİM -nin baş məşqçisi, "Əməkdar məşqçi" və "Qabaqçıl Təhsil İşçisi" Əbülfət Qarayevin rəhbərliyi ilə yollanmışdır.

Eləcə də,  AKF -in hakimlər komitəsinin üzvüV beynəlxalq dərəcəli hakim Vüqar Kərimov turnirin təşkilat komitəsinin qərarı ilə yarışın baş hakimi təyin edilmişdir.

Turnirdə Azərbaycan, Qazaxsıtan, Qırğızıstan, Özbəkistan və Rusiyadan ümumilikdə 1000 -ə yaxın  iştirak etmişdir.

Qeyd edək ki, beynəlxalq yarışdan nəticələrlə qayıdan hər üç karateçi “Təhsil” -RİM -nin 6 nömrəli İOEUGİM -in üzvləridir.