Geriyə qayıt Çap et

Aqil Məmmədquliyev: ""Neftçi" tribunası nəticəyə bağlı tribuna deyil"

  "Neftçi" mövsümə yaxşı başlamadı. Ardıcıl uğursuz nəticələrdən sonra baş məşqçi Roman Qriqorçuqla yollar ayrıldı. Belə olduqda komandaya köhnə-yeni mütəxəssis Samir Abasov gətirildi. O, komandanın oyun planında müəyyən qədər canlanma gətirsə də, nəticələr də qısa müddət ərzində tərəqqi gəlmədi. “Ağ-qaralar” qış fasiləsinə ikinci "5-lik"də yollandı. Çoxları Bakı təmsilçisinin çempionatın ikinci raunduna qələbələrlə başlayacağını gözləsə də, komanda yalnız XXI turda “Şamaxı”nı çətinliklə məğlub edə bildi. Elə həmin oyunda trubunalara olduqca az saylı “Neftçi” fanatları gəlmişdi. Azarkeşlər komandadan üzmü döndərib? Bu sualları aydınlaşdırmaq üçün "ağ-qaralar"ın camiyasında klub ilə arazkeşlər arasındakı əlaqələndirici Aqil Məmməduliyevin Strateji.az saytına reaksiyası belə oldu.

"Təəssüflər olsun ki, çempionatın ikinci yarısında qələbəmiz gec gəldi. Bu gün sevincli olsaq da, həqiqələri də qəbul edirik. Bugünkü reallıq odur ki, komandada yeni-yeni toparlanır. Aydın məsələdir ki, mövsümə yaxşı başlamadıq, ardıcıl xal itkiləri aldıq. Daha sonra baş məşqçi gedişi reallaşdı. Bütün bunlar futbolçulara təsirsiz ötürmədi. Oyunçuların özünəinamı və qələbəyə köklənmələrində problem yarandı. Hamıya bəllidir ki, istənilən komandada fiziki və taktiki çatışmazlığı qısa zamanda həll etmək olur. Amma futbolçuların psixoloji vəziyətini aradan qaldırmaq bir günün, bir həftənin, bir ayın işi deyil. Bunun üçün bəlli zaman ehtiyac var. Buna rəğmən hamımız Samir müəllimə inanırıq. Zatən onun gördüyü işlər artıq bəhrəsini verir. Sadəcə dediyim kimi həm baş məşqçimizə, həm də komandamıza vaxt lazımdır. Azarkeşlərimizin də etirazlarını, nigarançılığını yaxşı başa düşürük. Onlardan xahişimiz odur ki, səbrli olsunlar, komandaların köhnə vaxtlarını yenidən görəcəklər".-deyə Aqil Məmmədov bildirib

Aqil müəllim “Neftçi” fanatlarının stadionlarda azalması haqqında da danışıb:

"Komandanın bu mövsümdəki nəticələri təbii ki, azarkeşlərimizi də təsirsiz ötüşməyib. Amma bir vacib məqamə xüsusi vurğulayım ki, tarixən “Neftçi” tribunası nəticəyə bağlı olmayıb. Yəni, ürəyində həqiqi “Neftçi” sevgisi, “flaqman” ın təəssübkeşliyi olan fanatlar daim stadionlarda yerlərini alaraq komandaya dəstəyini verib, verir və verəcək də. Sözüm ki, klubun ağır günündə daim yanında olan azarkeşlər bizi tək qoymayacaq,  həmçinin ürəyi komandamızla çarpışan fanatlarımızın etirazlarlarını da qəbul edirik. Çünki onların ürəyi yanır. Amma istər təsadüfi adamlar, istər bəzi “jurnalist”lərin daim bizi baltalamasını qəzər hesab edirik. Bu tip şəxslər yaxşı vaxtlarda da, pis vaxtlarda da daim qərəzlilik sərgiləyib. Odur ki, onların nə dedikləri, nə yazdıqları bizə maraqlı deyil. Biz azarkeşlərin yenidən stadionlara axın etməsində maraqlıyıq və bu sahədə işlər də görürük. Amma bunun üçün ən gözəl vasitə komandanın nəticələrinin dəyişməsidir. “Neftçi” qələbələri sıraladıqca azarkeşlərin də sel kimi axınını müşahidə olunacaq". 

Klub rəsmisi futbol ictimaiyyətində "Neftçi"nin bu mövsüm elitada qalmaq uğrunda mübarizə aparmasıyla bağlı səsləndirilən fikirlərlə razılaşmadığını da vurğuladı:

"Bir məsələ var: "Qələbənin ortaqları çoxdur, məğlublar isə həmişə yetimdir”. Komandamızın bu mövsümdə məğlubiyyətlər alaraq vacib xallar itirməsi və turnir cədvəlində layiqli yerdə olmadığımıza görə belə elitada qalmaq uğrunda mübarizə aparan kimi təqdim edirlər. Təbii ki, biz özümüzü uduzmuş, yetim hesab etmirik. Haqqımızda yazılan, səsləndirilən o cür fikirləri də qəbul etmirik. “Neftçi” heç vaxt elitada qalmaq uğrunda mübarizə aparmayıb. Bizim hədələrimiz daim böyük olub. Reallığı qəbul edirik ki, bu il çempionluq yolundan çox uzalaşmışıq və birinci olmalıyıq kimi iddiamız da yoxdur. Amma qarşıda hələ 15 tur var. Bu oyunların hər birində maksimum nəticə göstərib ilk “5-lik”də qərarlaşa bilkərik. Həmçinin Ölkə Kubokunda da mübarizəmizi davam etdiririk. Bildiyiniz kimi avrokuboklara ən qısa yol kubokdur. Odur ki, bu turnirdə maksimum nəticə göstərəcəyimizə inanırıq. Yuxarıda vurğuladığım kimi "Neftçi" azarkeşlərinin əksəriyyəti və klub camiyası olaraq Samir Abasovun komandanın bataqlıqdan çıxarıb düzgün relsə salacağına güvənir”. 

// Strateji.az ABDULLA İSMAYILOĞLU