Bu gün futbol üzrə Azərbaycan Kubokunda 1/4 finalına start veriləcək. PFL bu günə iki qarşılaşma təyin edib.
1/4 finalın ilk oyununda ən qədim Azərbaycan derbisində qədim Gəncə təmsilçisi "Kəpəz" "Tovuz Şəhər Stadionu"nda "Neftçi"ni qəbul edəcək. Premyer Liqadan əlini üzən hər iki komanda gücünü Azərbaycan Kubokuna yönəltmək haqqında düşünür. Azərbaycan Premyer Liqasında son turda qələbəyə sevinən Nizami Yurdunun təmsilçiləri bu doğma meydanda sərfəli nəticə əldə etmək istəyr. Azərbaycan Kubokuna Avropaya gedən yol gözü ilə baxan "ağ-qaralar"da səfərdən sərfəli nəticə ilə qayıtmağı düşünür. Hakim İnqilab Məmmədovun idarə edəcəyi qarşılaşma üçün artıq komandaların start heyətləri bizlərə məlumdur:
"Kəpəz"in start heyəti:
22. Məmməd Hüseynov(GK)
12. Turan Manafov
5. Rauf Hüseynli
19. Sadiq Şəfiyev
29. Dioqo Verdaska
78. Yeqor Xvalko (C)
28. Rati Ardazişvili
11. Trent Buhagiar
3. Mahamadu Ba
10. Karim Lkoça
88. Şevroni Mabatşoev
"Kəpəz"in ehtiyat oyunçuları:
1. Rojerio Santos(GK)
18. Elgün Bayramov
2. İlkin Qırtımov
7. Ehtiram Şahverdiyev
70. Nicat Süleymanov
8. Elmir Tağıyev
6. Nemət Musayev
21. Camal Cəfərov
17. Ümid Səmədov
26. Valdemar Almeyda
9. Luis Paçu
"Kəpəz"in baş məşqçisi:Azər Bağırov
"Neftçi"nin start heyəti:
93. Rza Cəfərov (GK)(C)
10. Filip Ozobiç
8. Emin Mahmudov
3. Höccət Haqverdi
19. Azər Salahlı
4. Elvin Camalov
91. Ağadadaş Salyanski
99. Ervin Koffi
44. Yuri Matias
24. Mustafa Sek
18. Ryonosuke Ohori
"Neftçi"nin ehtiyat oyunçuları:
1. Emil Balayev(GK)
30. Rustam Samigullin
90. Ramil Şeydayev
13. Emil Səfərov
80. Həbib İsmayılov
78. Elcan Əbilov
47. Murad Məmmədov
23. Robert Bauer
20. Alfa Konte
77. Yeqor Boqomolski
"Neftçi"nin baş məşqçisi:Samir Abasov
Bu gün 1/4 final mərhələsinin daha bir görüşü baş tutacaq.
Bu görüşdən sonra "Sabah" "Bank Respublika Arena"da gənclik şəhər təmilçisi "Sumqayıt"ı qəbul edəcək. Premyer Liqada qeyri-sabit performans sərgiləyən hər iki komanda diqqətini Azərbaycan Kubokuna yönəldib. "Bayquşlar"ın hədəfi matçdan qalib ayrılaraq gələn həftə Sumqayıta rahat yollanmaqdır. "Kimyaçılar" isə bu oyunda əldə edəcəkləri nəticə ilə gələn həftə Sumqayıt şəhərində sevinən tərəf olmaq istəyirlər.
1/4 finalın digər görüşləri sabah keçiriləcək. Sabah iki qarşılaşma baş tutacaq.
Sabah ilk olaraq Premyer Liqada işləri yaxşı gedən iki komanda üz-üzə gələcək. "Zirə" "Zirə İdman Komleksinin Stadionu"nda turnir cədvəlində qonşusu olan "Araz-Naxçıvan"ı qəbul edəcək. "Mavi qartallar" yarımfinala yüksəlmək üçün matçdan qələbə ilə ayrılmağa çalışacaq. Muxtar Respublika təmsilçisi də ilk oyundan sərfəli nəticə ilə yadda qalmağa çalışacaq.
Günün ikinci qarşılaşmasında "Səbail" "ASCO Arena"da "Qarabağ"ı qəbul edəcək. Azərbaycan Premyer Liqasının ən sonuncusu olan "dənizçilər" yaxşı günlər yaşamayan "Qarabağ"la ev oyunundan sərəfəli nəticə ilə ayrılmaq istəyir. "Süvarilər" isə bu oyunda qələbə qazanaraq qələbəsizlik seriyasına son qoymağı hədəfləyib.