Dünən I Liqada XIV tura start verildi. Çempionluğa iddialı "Karvan"” doğma divarlar arasında MOİK-i 3:1 hesabıyla məğlub edib. Xatırladaq ki, bu çempionatın II yarısında bu "hərbiçilər"in ilk məğlubiyyətidir. Odur ki, Strateji.az olaraq Müdafiə Nazirliyinin komandasının baş məşqçisi Qəzənfər Abbasovdan oyunla bağlı reaksiyasını öyrəndik.
"Oyuna ciddi hazırlaşsaq da, hakimin start fitindən sonra meydanda istədiyimiz matçı sərgiləyə bilmədik. Rəqib ilk dəqiqələrdən aqressiv hücumlara başladı və bunun nəticəsində onlar ilk 6 dəqiqədə iki qol vurdular. 18-ci dəqiqədə isə hesabı 3:0 etdilər. Erkən 3 qol buraxmağımız planlarımızı pozdu. Amma yetirmələrim ruhdan düşmədilər və mübarizəyə girişdilər. Fasiləyə kimi hesab arasında fərqi azaltdıq. Amma ikinci yarıda rəqib həm yaxşı qapandı, həm də topa nəzarəti itirmədi. “Karvan” qələbə, futbolçularımı isə əzmkarlıqlarına görə təbrik edirəm. Artıq bu oyunu unudub növbəti matça köklənməliyik". -deyə Qəzənfər Abbasov bildirib
//ABDULLA İSMAYILOĞLU,Strateji.az