Azərbaycan Premyer Liqasının XIV turunun açılış oyunu "Neftçi Arena"da "Neftçi" - "Sumqayıt" qarşıdurmasıyla başladı. Kəskin soyuq və qarlı hava şəraitində keçən görüş "ağ-qaralar"ın matça əlavə olunan dəqiqələrdəki vurduğu qol ilə başa çatdı. 90 dəqiqə sonra meydan sahiblərinin futbolçusu Azər Salahlı Strateji.az saytına danışıb.
"Məlum hava şəraitinə görə bizi ağır matç gözləyəcəyini bilirdik. Belə görüşlərdə meydanda kreativ futbol sərgiləmək olmur. Əvəzində əzmkarlıq, xarakter ön plana keçir. Düşünürəm ki, yaxşı mübarizə apardıq, əsas da fasilədən sonra oyunda üstün tərəf biz idik. Həm kəskin hava şəraitinə, həm də rəqibin müqavimətinə baxmayaraq bizə lazım olan qolu vura bildik". -deyə Azər Salahlı bildirib
// Strateji.az ABDULLA İSMAYILOĞLU