Geriyə qayıt Çap et

Gəncə İdman Sarayında 8-11-ci sinif şagirdləri arasında təşkil olunan voleybol yarışın bağlanış mərasimi keçirilib

 Gəncə-Daşkəsən Regional Təhsil İdarəsinin təşkilatçılığı, "Gəncə" Voleybol Klubunun dəstəyi ilə Gəncə İdman Sarayında 8-11-ci sinif şagirdləri arasında təşkil olunan voleybol yarışın bağlanış mərasimi keçirilib.
Bağlanış mərasimində Gəncə-Daşkəsən Regional Təhsil İdarəsinin müdiri Elçin Kərimov, Yeni Azərbaycan Partiyası Gəncə şəhər təşkilatının sədri Bayram Aslanov, Gəncə-Daşkəsən Regional Gənclər və İdman İdarəsinin rəisi cənab Elvin Quliyev, Gəncə Voleybol Klubunun prezidenti Elvar Osmanova ümumtəhsil məktəblərinin müəllim və şagirdləri iştirak ediblər.
 “Sağlamlıq və təhlükəsizlik” aylığı çərçivəsində keçirilən voleybol yarışında 46 komandada 552 nəfər şagird iştirak edib. 
Məktəb, məktəblərarası və region olmaqla 3 mərhələdə keçirilən yarışın yekun final mərhələsinin nəticələrinə əsasən oğlanlar arasında I yerə Gəncə şəhər 23 nömrəli tam orta məktəbin komandası, II yerə Daşkəsən şəhər Anar Mürsəlov adına 2 nömrəli tam orta məktəbin komandası, I yerə Gəncə şəhər M.Füzuli adına 22 nömrəli tam orta məktəbin komandası qızlar arasında I yerə Gəncə şəhər 32 nömrəli tam orta məktəbin, II yerə Göygöl rayon Pənahlılar kənd tam orta məktəbin III yerə isə Samux rayon Qarayeri qəsəbə 1 nömrəli məktəb-liseyin komandası layiq görülüb.
Qeyd edək ki, oğlanlar və qəzlar arasında basketbol yarışı da davam etdirilir. Növbəti günlərdə həmin yarışın da final mərhələsi keçiriləcəkdir. 
Bildiririk ki, "Sağlamlıq və təhlükəsizlik" aylığının keçirilməsində məqsəd 2024-2025-ci tədris ilində ümumi təhsil müəssisələrində təhsilalanların sağlamlığının və təhlükəsizliyinin təmin olunması, onların zərərli vərdişlərdən qorunması, sağlam həyat tərzinin formalaşdırılmasıdır.