Geriyə qayıt Çap et

Sofir Gitay: "Artıq tamamilə Premyer Liqadakı oyunlara fokuslanacağıq" 

 Bu gün ölkə kubokunun 1/4 final mərhələsinin cavab oyunları keçirilib. "Səbail" səfərdə "Qarabağ"a qarşı müqavimət göstərsə də, sonda məğlub oldu və mübarizəni 1/4 finalda dayandırdı. "Dənizçilər"in yəhudi futbolçusu Sofir Gitay qarşılaşma ilə bağlı Strateji.az saytına müsahibə verib. 

- Bu gün komandanız məğlub oldu. Ən azı heç-heçə üçün nə çatmadı? 

- "Qarabağ" yetəri qədər keyfiyyətli komandadır. Bu gün müdafiədə bəzi boşluqlar verdik və rəqib də bundan maksimum istifadə etdi. Buna rəğmən rəqibdən çəkinməyərək yaxşı oynadıq. 

- Artıq Kubok turnirində kənardasız. Bunu necə dəyərləndirirsən? 

- Təbii ki, turnirdə maksimum irəli getmək istəyirdik ki, alınmadı. Amma bunu faciəyə çevirməyəcəyik. Qarşıdakı oyunlara fokuslanmalı və yaxşı nəticələr qazanmalıyıq. 

- Premyer Liqada sizi ağır oyunlar gözləyir, başləca motivasiyanız elitada qalmaqdır yoxsa maksimum irəli getmək. 

- Bəli, artıq tamamilə Premyer Liqadakı oyunlara fokuslanacağıq. Hər tur bizim üçün final matçıdır. Düşünürəm ki, qarşıdakı oyunların hər birindən maksimum nəticə qazanmalıyıq. 

// Strateji.az ABDULLA İSMAYILOĞLU