Geriyə qayıt Çap et

Araz Abdullayev: "Hər şey öz əlimizdədir" 

 I Liqanın XVII turunda "Qaradağ Lökbatan" növbəti məğlubiyyəti aldı. Amit Quluzadənin komandası doğma divarlar arasında dünən "İmişli"yə yenilib. Qəsəbə təmsilçisinin ən təcrübəli futbolçusu və kapitanı Araz Abdullayev Strateji.az saytına danışıb. 

- Bu gün növbəti məğlubiyyətinizi aldız. Adıcıl oyunlarda xalsız qalmağınızın səbəbi nədir? 

- Məşqlərdə yaxşı hazırlaşır, oyunlarda da komanda olaraq pis çıxış etmirik. Sadəcə konsentrasiyamız da problemimiz var. Düşünürəm ki, bu görüşdəki məğlubiyyətdən baş məşqçimiz səhvlərimiz, çatışmazlıqlarımızı bir daha bizə izah edəcək və bütün kollektivimiz üzərində daha əzmlə çalışmaqla növbəti oyunlarda qələbə qazanmağa və xal götürməyə fokuslanacaq. Zatən "İmişli"yə məğlubiyyətdən sonra sonuncu pilləyə yuvarlandıq. 

- Hazırda turnir cədvəlinin zirzəmisinə olmağınız komandadakı psixoloji gərginliyi daha da artırmayacaq ki? 

- Təbii ki, mövcud vəziyyətimiz çox çətindir. Komandanın kapitanı kimi deyim ki, iki yol var. Ya vəziyyətlə başıb hərə yaxasını kənara çəkməli və mübarizə aparmadan II Liqaya düşməyə qəbullanmalıyıq. Ya da ki, qarşıdakı matçlarda daha əzmlə, inadıa mübarizə aparıb maksimum nəticələr qazanmalıyıq. Biz ikinci yolu seçmişik. Son oyunlarda yaxşı mübarizə aparsaq da, nə nə qələbə qazandıq, nə də xal götürdük. Aldığımız məğlubiyyətlərə qəbullana bilmirik, amma bu məğlubiyyətlərdən də ciddi dərs almalıyıq. Hər şey öz əlimizdədir və hazırkı ağır şəraitdə bir-birimizə dəstək olmalıyıq. 

- Yetirməsi olduğun "Neftçi" Ölkə Kubokunda "Kəpəz"ə sıradan çıxarmaqla növbəti mərhələyə yüksəldi. Bu barədə nə deyərdin? 

- "Kəpəz" tarixi ənənəsi olan klublarımızdandır. Ona görə də Gəncə təmsilçisi ilə "Neftçi"nim oyunları həmişə dramatik olub. Düşünürəm ki, hər iki komanda Kubokun 1/4 final mərhələsimdə  yaxşı mübarizə apardı. "Ağ-qaralar" mərhələ keçsə də, bu onlara asan başa gəlmədi. 

- Səncə, "Neftçi" bu mövsüm Kubokun qalibi ola biləcəkmi? 

- "Neftçi" adlı-sanlı Azərbaycan komandasıdır. Bu klubun həmişə ağırlığı olubdur. Ona görə də "ağ-qaralar"ın inamımız böyükdür. Düşünürəm ki, onların Kubokun qalibi olmaq şansları var. 


// Strateji.az ABDULLA İSMAYILOĞLU