Geriyə qayıt Çap et

“Şamaxı”nın ukraynalısı elitada qalacaqlarına inanır

 Azərbaycan Premyer Liqasının XXV turu "Səbail” – "Şamaxı" qarşılaşmasıyla start götürüb. Görüş bölgə təmsilçisinin qələbəsiylə başa çatıb. "Şirlər"in ukraynalı futbolçusu Vladislav Veremeyev Strateji.az saytına danışıb. 

-Qələbə qazandığınız 90 dəqiqəylə bağlı təəssüratların maraqlıdır...

-Bu gün meydanda hamımız qələbə üçün yaxşı mübarizə apardıq. Rəqibin istədiyi oyununu sərgiləməyə imkan vermədik və layiq olduğumuz 3 xalı əldə hesabımıza yazdıq. 

-Səncə, bugünkü qələbənizdə meydan sahiblərinin zəif çıxışı da rol oynadımı?

-“Səbail”in zəif oynadığını deməzdim. Sadəcə biz onları yaxşı təhlil etmişdik. Hər bir futbolçumuz öz mövqeyində rəqibə qarşı yaxşı mübarizə apardı, boşluqlar vermədi və onların oyun planını poza bildik. 

-Artıq “Şamaxı”nın ansamblıla tam adaptasiya olunmusanmı?

-Hər oyundan-oyuna daha yaxşı formaya düşürəm. Bu gün də meydanda gösrtərdik ki, hər bir üzvümüz qələbə üçün çarpışmağa hazırdır. 

-Elitada qalacağınıza inanırsanmı?

-Biz bütün amalımız elitada qalmaqla bağlıdır. Başqa ssenari də düşünmürük. Bütün oyunlarda döyüşürük, bunda sonra daha inadla vuruşacağıq ki, “Şamaxı” Premyer Liqada qalsın. 

// ABDULLA İSMAYILOĞLU, Strateji.az