Azərbaycan Premyer Liqasının XXV turunda "Sabah" doğma divarlar arasında "Araz-Naxçıvan"ın müqavimətini qıra bilmədi və tərəflər 2:2 hesablı heç-heçəyə razılaşdı. Naxçıvanlıların moldovalı qolkiperi Kristian Avram matçla bağlı Strateji.az saytına müsahibə verib.
-Bu gün “Sabah” səfərində heç-heçəyə nail olduz. Oyunla bağlı fikirlərin maraqlıdır...
-Maraqlı, döyüşkən futbol alındı. Hər iki tərəf qələbəyə ac idi. Təbii ki, meydandan qələbəylə ayrılsaq əla olardı. İki xal itirdik, amma vacib bir xal da qazandıq.
-“Bayquşlar”la matçda buraxdığın toplara daha yaxşı reaksiya verib, rəqibin sevinməsinin qarşısını almaq olardımı yoxsa müdafiəçilərin zəif çıxışına görə qollar yedin?
-Futbolda yetişmişən və böyüyən biri kimi deyim ki, istənilən topları çıxarmaq olar. O cümlədən bu gün buraxdığım qollara daha yaxşı reaksiya verib, qola mane ola bilərdim. Təəssüf ki, alınmadı. Birinci yediyim qola görə daha çox məyusam.
-Bu gün “Zirə” “Turan Tovuz”u məğlub etməklə 2-ci pilləyə yüksəldi. Hazırda “qartallar”la aranızda iki xallıq fərq var. Bu sizi narahat etmir?
-Bu bizi niyə narahat etməlidir ki? Bizim bəlli məqsədimiz və onu həyata keçirmək üçün cızdığımız fəaliyyət planı var. Panikaya ehtiyac yoxdur. Çünki qarşıda kifayət qədər oyunlar var və bu matçlarda maksimum nəticə qazanmalıyıq. Məşqçilər korpusumuz və rəhbərliyimiz bizə inanır. Biz də öz növbəmizdə onların gözlətilərini doğrultmalıyıq.
// ABDULLA İSMAYILOĞLU, Strateji.az