Geriyə qayıt Çap et

"Şamaxı" növbəti qələbəsini qazandı-YENİLƏNİB-2

 Azərbaycan Premyer Liqasının XXVI turu çərçivəsində keçirilən "Şamaxı"-"Sabah" oyunu  başa çatdı. Gərgin keçən matç 1:0 "Şamaxı"nın xeyrinə başa çatıb.
xxxx
"Şamaxı"-"Sabah" oyununda tərəflər fasiləyə yolllandı. İlk hissədən sonra "Şamaxı" 1:0 irəlidədir.
xxxx
Dünən futbol üzrə Azərbaycan Premyer Liqasında XXVI tura start verilib. PFL bu günə iki qarşılaşma baş tutub.

Sabah ilk olaraq "Şamaxı"ı "Şamaxı Şəhər Stadionu"nda "Sabah"ı qəbul edir. "Şirlər" bu oyunda ən azından məğlub olmamaq haqqında düşünür. "Bayquşlar" isə keçən tur olan xal itgisindən sonra Şamaxıda qələbə qazanmağa çalışır. Hakim Cavid Cəlilovun idarə etdiyi qarşılaşmada artıq oyunun 30-cu dəqiqəsində "Şamaxı" Edqar Adilxanovun qolu ilə hesabı açdı-"Şamaxı"-"Sabah"-1:0.

Günün ikinci qarşılaşmasında "Zirə" "Zirə İdman Kompleksinin Stadionu"nda "Səbail"i qəbul edəcək. "Mavi qartallar" doğma publika önündə növbəti qələbəsini qazanmaq istəyir. "Dənizçilər" isə meydanda ən azında məğlub olmamaq haqqında düşünücək.

Günün son görüşləri Bazar ertəsi günü keçiriləcək.

Bazar ertəsi günü ilk olaraq gənclik şəhər təmsilçisi "Sumqayıt" "Mehdi Hüseyinzadə adına Sumqayıt Şəhər Stadionu"nda qədim Gəncə təmsilçisi "Kəpəz"i qəbul edəcək. Qol üzünə həsrət "kimyaçılar" bu oyunda qələbə qazanmağı hədəfləyəcək. Keçən tur "Neftçi"yə qalib gələn Nizami yurdunun təmsilçiləri də matçda növbəti qələbələrini qazanmağı hədəfləyib.

Günün  və turun sonuncu görüşündə "Neftçi" "Neftçi Arena"da "Turan Tovuz"u qəbul edəcək Keçən tur məğlubiyyət acısı dadan "ağ-qaralar" bu tur doğma publika önünüdə qələbə qazanmaq istəyir. Keçən tur öz evində məğlubiyyətə düçar olan "Boz Qurd" bu tur səfər qələbəsinə sevinmək istəyir.

Qeyd edək ki, futbol üzrə Azərbaycan Premyer Liqasına dünən start verilib. PFL dünənə bir qaşılaşma təyin edib.

Günün və turun yeganə qarşılaşmasında "Araz-Naxçıvan" "Liv Bona Dea Arena" "Qarabağ"ı qəbul edib. Artıq oyunun 35-ci dəqiqəsində "Araz-Naxçıvan" Felipe Santosun qolu ilə hesabı açıb-"Araz-Naxçıvan"-"Qarabağ"-1:0.Oyunun 44-cü dəqiqəsində Nəriman Axundzadə "Qarabağ"ın bərabərlik topuna imza atıb-"Araz-Naxçıvan"-"Qarabağ"-1:1. İlk hissə tərəflərin hərəyə bir dəfə fərqlənməsi ilə başa çatıb-"Araz-Naxçıvan"-"Qarabağ"-1:1.Oyunun 77-ci dəqiqəsində Leandro Andrade "Qarabağ"ın ikinci topuna imza ataraq komandasını hesbada önə keçirib-"Araz-Naxçıvan"-"Qarabağ"-1:2.Oyunun 82-ci dəqiqəsində "Araz-Naxçıvan" azlıqda qalıb. Komandanın heyətində Felipe Santos qırmızı vərəqə alaraq meydandan qovuldu-"Araz-Naxçıvan"-"Qarabağ"1:2.Oyunun 90+6-cı dəqiqəsində Emanuel Addai "Qarabağ"ın üçüncü topuna imza atıb-"Araz-Naxçıvan"-"Qarabağ"-1:3. Bu oyunda vurulan son qol oldu və "Qarabağ" matçdan 1:3 qalib ayrıldı.