Yaxın günlərdə ölkə ərazisində havanın temperaturu daha da yüksələcək. Səhər və axşam saatlarında dumanlı hava şəraiti davam edəcək.
Bunu Milli Hidrometeorologiya Xidmətinin Hidrometeoroloji Proqnozlar Bürosunun direktoru Gülşad Məmmədova bildirib.
O qeyd edib ki, növbəti həftənin ilk günlərində, martın 17-18-də havanın temperaturu yüksələrək Bakıda və Abşeron yarımadasında +22 dərəcədən +27 dərəcəyədək, Aran rayonlarında +25 dərəcədən +30 dərəcəyədək, dağlıq rayonlarda isə +18 dərəcədən +23 dərəcəyədək olacaq.