Azərbaycan Premyer Liqasının XXIX turu çərçivəsində keçirilən "Turan Tovuz"-"Qarabağ" oyunu başa çatıb. Gərgin keçən matç 1:4 "Qarabağ"ın xeyrinə başa çatdı.
xxxx
Oyunun 90+1-ci dəqiqəsində Aleksey Kaşuk "Qarabağ"ın dördüncü topuna imza atdı-"Turan Tovuz"-"Qarabağ"-1:4
xxxxx
Oyunun 84-cü dəqiqəsində Kadi Borqes dubl edərək özünün ikinci və "Qarabağ"ın üçüncü topuna imza atdı-"Turan Tovuz"-"Qarabağ"-1:3
xxxxx
"Turan Tovuz"-"Qarabağ" oyununda tərəflər fasiləyə yollandı. İlk hissədən sonra "Qarabağ" 1:2 hesabda irəlidədir.
xxx
Oyunun 32-ci dəqiqəsində Nəriman Axundzadə "Qarabağ"ın ikinci topuna imza ataraq komandasını yenidən hesabda önə keçirdi-"Turan Tovuz"-"Qarabağ"-1:2
xxxx
Oyunun 30-cu dəqiqəsində Aleks Souza "Turan Tovuz"un bərabərlik topuna imza atdı-"Turan Tovuz"-"Qarabağ"-1:1
xxxxxx
Milli komandanın oyunları ilə əlaqədar yaranmış fasilədən sonra bu gün futbol üzrə Azərbaycan Premyer Liqasında XXIX tura start verilib. PFL açılış gününə bir qarşılaşma təyin edib.
Turun açılış oyununda "Turan Tovuz" "Tovuz Şəhər Stadionu"nda "Qarabağ"ı qəbul edir. "Sumqayıt"a son oyunda məğlub olan "boz qurd" bu oyunda ən azı məğlub olmamaq haqqında düşünür. "Köhlən Atlar" isə matçda növbəti qələbəsini qazanmaq üçün çıxır. Hakim Cavid Cəlilovun idarə etdiyi qarşılaşmada artıq oyunun 16-cı dəqiqəsində "Qarabağ" Kadi Borqesin penaltidən qolu ilə hesabı açdı-"Turan Tovuz"-"Qarabağ"-0:1
Turun digər görüşləri sabah və Bazar günü keçiriləcək. Sabah iki qarşılaşma baş tutacaq.
Sabah ilk olaraq "Neftçi" "Neftçi Arena"da "Araz-Naxçıvan"ı qəbul edəcək. Keçən tur qələbəyə sevinən "Ağ-qaralar" bu oyunda da qələbə qazanmaq haqqında düşünəcək. Keçən tur xal itiriən muxtar respublika təmsilçisi də bu oyunda qələbə qazanmağı düşüncək.
Günün ikinci qarşılaşmasında gənclik şəhər təmsilçisi "Sumqayıt" "Mehdi Hüseyinzadə adına Sumqayıt Şəhər Stadionu"nda "Sabah"ı qəbul edəcək. İki turdur qələbəyə sevinən "kimyaçılar" bu oyunda qələbə qazanmağı hədəfləyib. 5 turdur qələbə üzünə həsrət "bayquşlar"da matçdan qalib ayrılmağı istəyəcək.
Turun digər görüşləri Bazar günü keçiriləcək. Bazar günü iki qarşılaşma baş tutacaq.
Günün ilk qarşılaşmasında isə qədim Gəncə təmsilçisi "Kəpəz" "Tovuz Şəhər Stadionu"nda "Səbail"i qəbul edir. Keçən tur "Qarabağ"dan xal alan Nizami yurdunun təmsilçiləri bu oyunda qələbə qazanmaq istəyəcək. Turnir cədvəlinin sonuncusu olan "dənizçilər"də matçda qalib gəlməyə çalışacaq.
Günün və turun sonuncu qarşılaşmasında "Zirə" "Zirə İdman Kompleksinin Stadionu"nda "Şamaxı"nı qəbul edəcək. "Mavi qartallar" matça növbəti üç xallarını qazanmaq üçün çıxacaq. "Şirlər" isə çətin səfər oyununda ən azında məğlub olmamaq haqqında düşünəcək.