Aprelin-13-dən 14-nə keçən gecə İran İslam Respublikası İsrailə havandan hücum həyata keçirib. Strateji.az "CNN Türk"ə istinadən xəbər verir ki, hücum bir çox dövlətlər tərəfindən narahatlıqla qarşılanıb.
Hücumdan dərhal sonra G-7 dövlət başçıları videokonfranda bir araya gəlib. Məsələ ilə bağlı Avropa İttifaqı Şurasının Prezidenti Şarl Mişel açıqlama verib.
O qeyd edib ki, G-7 ölkələri yekdilliklə İranın İsrailə edilən hücumunu qınayıb. Bundan əlavə o qeyd edib ki, Qəzzadakı böhranı aradan qaldırmaq üçün təcili atəşkəsin elan edilməsi tək yoldur. Şarl Mişel önümüzdəki bildirib ki, G-7 ölkələri tərəfləri təmkinli olmağa çağırıb.
"Gərginliyin aradan qalxması üçün səylərimizi əsirgəməyəcəyik. Qəzzadakı, Livandakı və ümumiyyətlə bütün yaxın şərqdəki vəziyyəti vəziyyəti müzakirə edib çıxış yolu tapmaq üçün Avropa Şurasında iclas olacaq"-deyə Mişel bildirib.
//Nəzərbəy Hacıağayev, Strateji.az