Geriyə qayıt Çap et

Mariya Stadnik idman meydanından kənarda necə biridir?-VİDEO

 Azərbaycan qadın güləşinin ən parlaq ulduzlarından biri, dördqat Olimpiya mükafatçısı Mariya Stadnik "PODKAT" layihəsinin qonağı olub. Bu buraxılışda o, təkcə idman nailiyyətlərindən deyil, həm də yeni vəzifəsindən, ailə həyatından və ailəsinin uşaq futbolunda qarşılaşdığı problemlərdən danışıb.

Mariya Stadnik bu yaxınlarda Azərbaycanın qadın güləşi üzrə koordinatoru vəzifəsinə təyin olunub. O, bu vəzifənin məsuliyyətindən danışaraq, güləşin qadınlar arasında daha da inkişaf etdirilməsinin vacibliyini vurğulayıb. 

Podkastda Stadnik idman karyerasının ən unudulmaz anlarını da bölüşüb. Olimpiya oyunlarında qazandığı medallar, dünya və Avropa çempionatlarındakı uğurları onun üçün dəyərli xatirələrdir. Ancaq o, eyni zamanda çətinliklərdən, məğlubiyyətlərdən və bu uğurların arxasında duran əziyyətdən də danışıb.

Bəs, Mariya Stadnik idman meydanından kənarda necə biridir? Bu suala cavab verərkən o, ailəsinə və şəxsi həyatına çox bağlı olduğunu bildirib. Stadnik üçün ən önəmli dəyərlərdən biri də ailəsidir. O, həm idmanda, həm də həyatda daim mübarizə aparmağın vacibliyini vurğulayır və gənc idmançılara da bu prinsiplə yaşamağı tövsiyə edir.