Geriyə qayıt Çap et

Rusiya Ukraynaya məxsus 107 PUA-nı məhv etdiyini açıqladı

 Rusiya Müdafiə Nazirliyi Ukraynaya məxsus 107 pilotsuz uçuş aparatının (PUA) Rusiya ərazisinə yönəldilmiş hücum cəhdlərinin qarşısının alındığını bildirib. Strateji.az "haberler.com" saytına istinadən xəbər verir ki, rəsmi məlumata görə, PUA-lar gecə saatlarında müxtəlif bölgələrdə, o cümlədən paytaxt Moskva səmasında zərərsizləşdirilib.

Nazirliyin yaydığı açıqlamada qeyd olunub ki, Ukrayna tərəfi Rusiyanın dərinliklərinə doğru PUA hücumu həyata keçirməyə cəhd göstərib. Hücumlar nəticəsində insan tələfatı və ciddi dağıntılar barədə məlumat verilməyib.

PUA hücumları səbəbilə Moskvanın əsas hava limanlarında – "Domodedovo", "Şeremetyevo" və "Vnukovo" – təhlükəsizlik tədbirləri gücləndirilib. Müvəqqəti olaraq bir sıra uçuşlar təxirə salınıb və istiqamətlər dəyişdirilib.

Qeyd edək ki, son aylar Ukrayna ilə Rusiya arasında intensivləşən qarşılıqlı PUA hücumları, xüsusilə infrastruktur obyektlərini hədəf alır. Ekspertlər bu cür hücumların müharibənin xarakterini dəyişdirdiyini və texnologiyanın önəmini artırdığını vurğulayırlar.

//Nəzərbəy Hacıağayev, Strateji.az