Geriyə qayıt Çap et

İraqın Baş naziri ABŞ Dövlət katibi  ilə görüşdü

 İraqın Baş naziri Məhəmməd Şiya es-Sudani ABŞ-da səfərdə olub. Strateji.az "CNN Türk"ə istinadən xəbər verir ki, o səfər çərçivəsində ABŞ Dövlət Katibi Entoni Blinkenlə görüşüb.

Görüş zamanı tərəflər iki tərəfli münasibətləri və regiondakı problemləri müzakirə edib.

Sudani ABŞ-ın İraqa dəstəyindən bəhs edərək bu dəstəyi yüksək qiymətləndirdiyini bildirib. Eyni zaman da Sudani humanitar böranın yaşandığı Qəzzada bu böhranın aradan qaldırılması üçün ABŞ səylərini yüksək qiymətləndirib. 

Blinken isə ABŞ-İraq münasibətlərinə toxunaraq ABŞ-ın hər zaman İraqdakı sabitliyi dəstəklədiyini bildirib. O qeyd edib ki, ABŞ İraqın daha demokratik və güclü dövlət olması üçün dəstəyini əsirgəməyəcək. Blinken İraqın tezliklə qonşu dövlətlər yaxşı əlaqələr quracağına inandığını bildirib.

//Aytən Əsgərova, Strateji.az