Geriyə qayıt Çap et

"ASCO Arena"da qalib müəyyənləşməyib-YENİLƏNİB

 Bu gün futbol üzrə Azərbaycan Premyer Liqasında XXIX tura start verilib. PFL bu günə bir qarşılaşma təyin edib.

Turun açılış oyununda "Səbail" "ASCO Arena"da "Turan Tovuz"u qəbul edib. Premyer Liqanı tərk etməyə əsas namizədlərdən olan "dənizçilər" bu oyunda ən azından xal qazanmağa çalışır. "Boz qurd" isə matça növbəti üç xalını qazanmaq üçün çıxıb. Hakim Rəşad Əhmədovun idarə etdiyi qarşılaşmada oyunun ilk hissəsi arxada qaldı. İlk hissədən sonra tərəflərdən heç biri fərqlənə bilməyib-"Səbail"-"Turan Tovuz"-0:0.

Turun digər görüşləri sabah və Bazar ertəsi günü keçririləcək. Sabah iki qarşılaşma baş tutacaq. 

Sabah ilk olaraq "Sabah" "Bank Respublika Arena"da qədim Gəncə təmsilçisi "Kəpəz"i qəbul edəcək. "Bayquşlar" matça növbəti qələbəsini qazanmaq üçün çıxacaq. Nizami yurdunun təmsilçiləri isə ən azından məğlub olmamaq haqqında düşünəcək.

Günün ikinci qarşılaşmasında "Qarabağ" "Tofiq Bəhramov adına Respublika Stadionu"nda "Zirə"ni qəbul edəcək. "Köhlən atlar" çempionluğa bir addımda yaxınlaşmaq üçün matçda növbəti qələbələrini qazanmağa çalışacaq. "Mavi qartallar" isə bu oyunda ən azından məğlub olmamağa çalışacaq.

Turun digər görüşləri Bazar ertəsi günü keçiriləcək. Bazar ertəsi günü iki qarşılaşma baş tutacaq.

Bazar ertəsi günü ilk olaraq "Şamaxı" "Şamaxı Şəhər Stadionu"nda "Neftçi"ni qəbul edəcək. Keçən tur darmadağın olan "Şirlər" bu turda qələbə qazanmağa çalışacaq. "Ağ-qaralar"da matça üç xal üçün çıxacaq.

Günün və turun sonuncu qarşılaşmasında "Araz-Naxçıvan" "Liv Bona Dea Arena" gənclik şəhər təmslçisi "Sumqayıt"ı qəbul edəcək. Muxtar Respublika təmsilçisi bu oyunda növbəti qələbəsini qazanmağa çalışacaq. "Kimyaçılar" isə bu oyunda ən azında məğlubiyyətsizlik seriyasını davam etdirməyə cəhd göstərəcəklər.