Geriyə qayıt Çap et

"Qarabağ" növbəti qələbəsini qazandı-YENİLƏNİB-2

 Azərbaycan Premyer Liqasının XXIX turu çərçivəsində keçirilən "Qarabağ"-"Zirə" oyunu başa çatdı. Gərgin keçən oyunda "Qarabağ" 1:0 qalib gəldi.

xxxxx

"Qarabağ"-"Zirə" oynunda tərəflər fasiləyə yollandı. İlk hissədən sonra "Qarabağ" 1:0 irəlidədir.
xxx
Dünən futbol üzrə Azərbaycan Premyer Liqasında XXIX tura start verilib. PFL bu günə iki qarşılaşma təyin edib.

Günün ikinci qarşılaşmasında "Qarabağ" "Tofiq Bəhramov adına Respublika Stadionu"nda "Zirə"ni qəbul edir. "Köhlən atlar" çempionluğa bir addımda yaxınlaşmaq üçün matçda növbəti qələbələrini qazanmağa çalışır. "Mavi qartallar" isə bu oyunda ən azından məğlub olmamağa çalışır. Hakim İnqilab Məmmədovun idarə etdiyi qarşılaşmada artıq oyunun 15-ci dəqiqəsində "Qarabağ" Kadi Borqesin qolu ilə hesabı açdı-"Qarabağ"-"Zirə"-1:0


Turun digər görüşləri Bazar ertəsi günü keçiriləcək. Bazar ertəsi günü iki qarşılaşma baş tutacaq.

Bazar ertəsi günü ilk olaraq "Şamaxı" "Şamaxı Şəhər Stadionu"nda "Neftçi"ni qəbul edəcək. Keçən tur darmadağın olan "Şirlər" bu turda qələbə qazanmağa çalışacaq. "Ağ-qaralar"da matça üç xal üçün çıxacaq.

Günün və turun sonuncu qarşılaşmasında "Araz-Naxçıvan" "Liv Bona Dea Arena" gənclik şəhər təmslçisi "Sumqayıt"ı qəbul edəcək. Muxtar Respublika təmsilçisi bu oyunda növbəti qələbəsini qazanmağa çalışacaq. "Kimyaçılar" isə bu oyunda ən azında məğlubiyyətsizlik seriyasını davam etdirməyə cəhd göstərəcəklər.

Qeyd edək ki, futbol üzrə Azərbaycan Premyer Liqasının XXIX turuna dünən start verilib. PFL açılış gününə bir qarşılaşma təyin edib.

Günün yeganə oyununda "Səbail" "ASCO Arena"da "Turan Tovuz"u qəbul edib. Görüşün ilk hissəsində tərəflərdən heç biri fərqlənə bilməyib-"Səbail"-"Turan Tovuz"-0:0. Oyunun ikinci hissəsində tərəflərdən heç biri fərqlənə bilməyib və görüş başladığı hesabla bitib-"Səbail"-"Turan Tovuz"-0:0.

Bu gün bir qarşılaşma baş tutub.

Bu görüşdən əvvəl "Sabah" "Bank Respublika Arena"da qədim Gəncə təmsilçisi "Kəpəz"i qəbul edib. Artıq oyunun 41-ci dəqiqəsində "Kəpəz" Valdemar Almeydanın qolu ilə hesabı açıb-"Sabah"-"Kəpəz"-0:1. İlk hissə "Kəpəz"in 0:1 hesablı üstünlüyü ilə başa çatıb. Oyunun ikinci hissəsində heç bir qol olmayıb və ilk hissəsnin nəticəsi oyunun nəticəsi olub-"Sabah"-"Kəpəz"-0:1